Zelenskyjip eqqissinissamik isumaqatigiinniarnerit aallarteqqinniarai

Ukrainemi eqqissinissamik isumaqatigiinniarnerit unittooqqapput. Isumaqatigiinniarnerilli aallarteqqinnissaat periarfissaasoq Zelenskyj isumaqarpoq.

Ukrainep præsidentia Volodymyr Zelenskyj Ukrainemi sorsunneq pillugu isumaqatigiinniarnernut atatillugu siornatigut Istanbulimiissimavoq – ilaatigut 2024-mi marsimi, tassanilu præsidenti Recep Tayyip Erdogan naapippaa. Zelenskyj Istanbuliliarluni pingasunngorpat aallaqqissaaq. (Toqqorsivimmiit assi)

Assi: Ozan Kose/Ritzau Scanpix

Ritzaus Bureau Ritzaus Bureau

Saqqummersinneqarpoq 18. Novembari 2025 - 16:50

Annonse

Ukrainep præsidentia Volodymyr Zelenskyj Ukrainemi eqqissinissaq pillugu isumaqatigiinniarnerit aallarteqqinniarlugit pingasunngornermi Tyrkiamut aallassaaq.

Reuters naapertorlugu Zelenskyj Spaniamut tikeraarnermini taama oqarpoq.

- Aaqqiissutissanik suleqatitsinnut saqqummiunniakkatsinnik ineriartortitsivugut.

Tyrkiami illoqarfissuaq Istanbul siornatigut arlaleriarluni Ukrainemi sorsunneq pillugu isumaqatigiinniarfiusarsimavoq.

Tamatumuuna Ruslandimit aallartitat peqataassanngitsut Ruslandimi naalakkersuisut oqaaseqartartuat Dmitry Peskov oqarpoq.

Taanna naapertorlugu Zelenskyj isumaqatigiinniaqqikkumasoq Rusland ilisimatinneqarsimanngilaq, russit nutaarsiassaqartitsiviat Tass allappoq.