Air Greenland Ilulissat Københavnillu akornanni toqqaannartumik timmisartuussisalernissamut billetseernialerpoq

Ilulissani mittarfissap nutaap 2026-p naalernerani atulernissaa naatsorsuutigineqarpoq, Air Greenlandillu Ilulissani ukiuunerani timmisartuussisarnissanut pilersaarutai nutaat maanna saqqummiunneqarlutik bilitsinit tuniniaaneq aallartippoq.

Ilulissat Københavnilu akornanni toqqaannartumik timmisartuussisarnissat sisamanngornermi oktobarip 29-ani 2026-mi aallartinneqassasut, timmisartuutileqatigiiffiup tusagassiuutitigut nalunaarutigaa. Timmisartuussisarneq Tuukkaq atorlugu ammarnersiorneqassaaq.

Ammarnersiortoqareerpat timmisartup nutaap A320neo Unaap Air Greelandip 2027-mi upernaakkut tigunissaaata tungaanut Jettimep timmisartuanik Boeing 737-800 NG-mik 180-inik ilaasoqarsinnaasumik timmisartuussisarneq ingerlanneqassasoq, Air Greenland allappoq.

Takornariaqarnerpaaffimmi sapaatip-akunneranut marloriartassasoq

Mittarfissuup atulerneraniit Ilulissaniit Københavnimut pingasunngornerit tamaasa toqqaannartumik timmisartuussisoqartassaaq. Juullilli ukiortaallu nalaani kiisalu ukiukkut takornariartitsisarfiusumi 1. - 27. marts 2027-mi sapaatip-akunneranut marloriarluni, ataasinngornermi pingasunngornermilu, timmisartuussisoqartalissaaq.

- Københavnimut angalasarneq Nuuk aqqusaarlugu sapaatit-akunnerata sinnerani  ingerlanneqartassaaq. Ilulissaniit Nuummut Københavnimut ingerlaqqittumik ataasinngornikkut, marlunngornikkut, sisamanngornikkut aamma tallimanngornikkut timmisartoqartassaaq, Air Greenlandimiit allapput.

Pisortaaneq: Aqqut nutaaq takornariaqarnermik inuussutissarsiornermillu siuarsaassaaq

Ukiuunerani angalanissamut pilersaarut nutaaq angalanissamut pilersaarummut pioreersumut ilassut, ullumikkut angalasartunit ilisimaneqareersoq timmisartortitseqatigiiffimmit erseqqissaatigineqarpoq.

Air Greenlandip pisortaanera Jacob Nitter Sørensen aqqut nutaaq pillugu ima oqarpoq:

- Angalaffiup nutaap Avannaata tikinneqarsinnaanera pitsanngorsassavaa, tamanna nuannaarutigaarput tassuunami angalasunut toqqaannartumik angalanissat amerlanerusut qulakkeerneqassapput, takornariaqartitsinermut taamatullu inuussutissarsiortunut iluaqutaasumik, Jacob Nitter Sørensen oqarpoq.

Airbus A320neo nutaaq aamma Nuup Københavnillu akornanni atorneqassaaq

Air Greenland allappoq, selskabip Airbus A320neo nutaaq, Unaaqimik atserneqartussaq, aamma Nuup Københavnillu akornanni atorneqassasoq.

Taamaattumik timmisartoq Ilulissat Københavnillu akornanni timmisartuussinernik tigusissaaq aammalu Nuup Københavnillu akornanni aqqutissami atorneqassalluni, aammalu aqqutissap pilersaarutaa kingusinnerusukkut tamanut saqqummiunneqassaaq.

Avannaani Kalaallit Nunaata illoqarfiisa sinnerinut attavissat pillugit itinerusumik takuneqarsinnaavoq ukiup aasaanerani angallavissap nutaap Air Greenlandip nittartagaani.

Airbus A320neo nutaaq Nuup Købanhavnillu akornanni aamma angallassisassasoq

Air Greenlandip timmisartussani Airbus A320neo, Unaamik ateqartoq, 2027-mi upernaakkutq tigussagaa naatsorsuutigineqarpoq.

Timmisartup Ilulissat aamma Københavnip akornanni timmisartuussisarneq ingerlatilissavaa. Tamatuma saniatigut Nuup aamma Københavnip akornanni angallassisalissalluni, angallavimmi tassani angalanissamut pilersaartut kingusinnerusukkut tamanut saqqummiunneqassapput.

Avannaani ukiuunerani angallassinissamut pilersaarutit Air Greenlandip nittartagaani takuneqarsinnaapput.