Akuersissutit piareerput: Polar Seafood 925 mio. kr-nik nalilimmik niueruteqarpoq

Polar Seafood Denmark maanna kalaallinit tamakkiisumik pigineqalerpoq.

Brim hf.-p ingerlatseqatigiiffimmi piginneqatigiissutaanik pisineq akuerineqartoq, niuernerlu 925 mio. kr-nik nalilik naammassisoq, Polar Seafood Greenlandip tusagassiuutinut nalunaarummi ilisimatitsissutigaa.

Pisortap Bent Sallingip pisoq Polar Seafood Greenlandimut pingaartutut taava, Polar Seafood Denmarkimimmi piginnittuuneq kalaallinit tamakkiisumik pigineqalernissaa sivisuumik anguniarneqarsimammat:

– Niueqatigiinnerup maanna naammassinerani pisariinnerusumik piginnittuuneq aaqqissugaalerpoq, aalajangiisariit naannerulerlutik, suliffeqarfiullu kalaallinik sorlaqarfiinik pingaartitaanillu aallaaveqarluni ineriartortinnissaanut periarfissat pitsaanerulerput, Bent Salling oqarpoq.

Polar Seafood Greenland malillugu Polar Seafood Denmarkimik ataatsimut piginnittuuneq ungasissumut sammisumik Kalaallit Nunaanni aningaasaliinissamut nukittunerusumik toqqammavissiivoq, inuiaqatigiillu ineriartornerannut ilapittuinerulerluni:

– Niueqatigiinnerup uuma akisussaaffimik annertunerusumik tigusinissatsinnut periarfissillutalu aalaakkaasumik ingerlatsisinnaanerput, ungasissumut sammisumik piffimmi inuiaqatigiinnut, sulisunut nunarpullu tamakkerlugu aalisartunut suleqataasinnaalersippaatigut, Miki Brøns aamma Polar Seafood Greenlandimi pisortaasoq oqarpoq.

Apriilimi 2023-mi Islandimiut aalisartitseqatigiiffiata Brim hf.-p Polar Seafood Denmarkip affaa 625 million koruunilerlugu pisiaraa.