KL

DK

Aningaaserivimmi sulisut 7,75 procentimik aningaasarsiaqarnerulersut

Grønlandsbankenimi Bankivimmilu sulisut 230-t aningaasarsiaat ukiut pingasut ingerlanerini 7,75 procentimik qaffanneqassapput. Finansforbundep Sulisitsisullu aningaasarsiat pillugit isumaqatigiinniarnerat taama inerneqarpoq.

Finansforbundet Sulisitsisullu Grønlandsbankenimi Bankivimmilu sulisunut aningaasarsiat isumaqatigiissutigaat.
Jørgen Schultz-Nielsen TUSAGASSIORTOQ / TUSAGASSIORTOQ
Saqqummersinneqarpoq

Finansforbund Sulisitsisullu ulluni arlalinni isumaqatigiinniareerlutik aningaasarsiat pillugit isumaqatigiissut nutaaq februaarip 23-ani atsiorpaat.

- Sulisunut pitsaasumik ukiuni tulliuttuni pingasuni isumaqatigiissuteqarpugut. Kalaallit Nunaanni pissutsit immikkut innerat eqqarsaatigalugit isumaqatigiinniarnerit ilungersunaraluarput, kisianni naleqquttumik angusaqarpugut neriullutalu ilaasortat tamanna tarrarsorfigisinnaassagaat, Finansforbundetimi isumaqatiginninniarnermi pisortaq Marianne Kjær tusagassiuutitigut nalunaarummi oqarpoq.

Eqqissinermik pilersitsivoq

Aningaasanik ingerlatseqatigiiffinnut eqqissisimanartumik isumaqatigiissuteqartoqarnissaa pingaaruteqartoq, Sulisitsisuni pisortaq Christian Keldsen oqarpoq.

- Illuatungeriit naammagisimaagaannik isumaqatigiissuteqarnerput nuannaarutigaara. Kalaallit Nunaanni inuussutissarsiortunut inuiaqatigiinnullu pingaaruteqarpoq, Christian Keldsen tusagassiuutitigut nalunaarummi oqarpoq.

Isumaqatigiissut sapaatip-akunnerini tulliuttuni ilaasortanit taasissutigineqartussanngorpoq.

finansforbund aningaaserivimmi sulisut kalaallit nunaat inuussutissarsiutit isumaqatigiissut sulisitsisut

Atorfiit tamaasa takukkit

PODCASTI

Powered by Labrador CMS