Anne Nivíka Grødem nutaamik atorfittaassaaq – aningaaseriviup silarsuaanukalersoq

Anne Nivíka Grødemip Visit Greenlandimi pisortatut maajip naanerani unittussanngornini sapaatip-akunnera kingulleq nalunaarutigaa. Maanna allamik atorfittaartussanngortoq paasinarsivoq. Visit Greenlandimi siullermik siulersuisui siulittaasup tulliatut inissisimariarluni, ukiunilu kingullerni sisamani pisortaasinnarluni allamut saattussanngorpoq.

AAMMA ATUARUK

Visit Greenland pisortassarsiortussanngorpoq

Bankivimmimi Kalaallit Nunaanni pisortatut aggustip aallaqqaataa aallarnerfigalugu atorfinittussanngortoq Bankiviup Facebookikkut quppernermini nalunaarutigaa. 

- Anne Nivíka Grødemip Bankivimmut tikilluaqqunissaa assorsuaq nuannaarutigaarput. Anne Nivíka Kalaallit Nunaanni inuussutissarsiortut atugaannik ilisimannilluartuuvoq siuttuunerlu misilittagaqarfigilluarlugu. Pikkoriffiit taakku bankip piujuartitsineq pingaartillugu ineriartortitsineranut inuiaqatigiinnullu qaninnerusumik periuseqarneranut nukittorsaataasussaapput, Bankivimmi niuernermut pisortaq Brian Smedemark taama oqarpoq.

Takornariaqarnermi aningaasaqarnermilu misilittakkani atorlugit Anne Nivíka Grødemip Bankivikiup Kalaallit Nunaanni inuussutissarsiornermi qitiusumik inissisimanera nukittorsassagaa naatsorsuutigineqarpoq.