Aasianni suliffiit 116-it maanna navianartorsiorput, tunisassiorfillu matuppat inuiaqatigiinnut annertuumik kingunerluuteqassaaq.
Aalisarnermik ingerlatsivissuit marluk Polar Seafood aamma Royal Greenland raajaleriffiit unammillernartumik inissisimasut ataatsimoorlutik aaqqiissutissamik nassaarnissartik pillugu oqaloqatigiissutigisariaqaraat, Aalisarnermut Naalakkersuisoq Peter Borg ullualuit matuma siorna paragraf 37 naapertorlugu apeqquteqaammut taama akissuteqarpoq. Raajartassat ukiualuit ingerlaneranni 35 procentinik ikilisinneqarput, ingerlatseqatigiiffiillu taakku marluk tamarmik immikkut raajaleriffiuteqarput.
Aasianni suliffiit 116-it maanna navianartorsiorput, tunisassiorfillu matuppat inuiaqatigiinnut annertuumik kingunerluuteqassaaq.
Aalisarnermik ingerlatsivissuit marluk Polar Seafood aamma Royal Greenland raajaleriffiit unammillernartumik inissisimasut ataatsimoorlutik aaqqiissutissamik nassaarnissartik pillugu oqaloqatigiissutigisariaqaraat, Aalisarnermut Naalakkersuisoq Peter Borg ullualuit matuma siorna paragraf 37 naapertorlugu apeqquteqaammut taama akissuteqarpoq. Raajartassat ukiualuit ingerlaneranni 35 procentinik ikilisinneqarput, ingerlatseqatigiiffiillu taakku marluk tamarmik immikkut raajaleriffiuteqarput.
Peter Borgip akissummini politikkikkut annaassiniaanissamik soqutiginnittoqarnersoq ersersinngilaa.
Peter Borgip Royal Greenlandip Polar Seafoodillu oqaloqatigiinnissaannut kajumissaarinera ingerlareerpoq, inerneqanngitsumilli, Bent Salling erseqqissaavoq.
- Aalisarnermut Naalakkersuisoq ingerlatseqatigiiffiit (Polar Seafood aamma Royal Greenland, aaqq.) raajaleriffimmik annaassiniarlutik aaqqiissutissamik nassaarsinnaanngitsut nalunaarfigaarput, Bent Salling Sermitsiamut oqarpoq.
- Politikikkut aaqqiissutissarsiortoqartariaqarpoq, pisortaq oqarpoq pissutsillu ilungersunartut ima nassuiarlugit:
- Umiarsuaagut allanngortillugit umiarsuaq
qerititsivittut atorneqartoq raajanik qerisunik tunisassiortunngortillugu allanngortinnikuuarput, taana Aasianni
raajaleriffimmut tuninisisinnaanissaa siunertaralugu taama allanngortinneqarnikuuvoq. Tunisassiorfiup ingerlaannarnissaa anguniarlugu sapinngisarput tamaat iliuuseqarpugut,
tamannali naammanngilaq, Bent Salling naqissusiivoq.
Politikerit illoqarfimmi suliffiit 100-t sinnerlugit ikilinerannik kinguneqartussami "iliuuseqarniarnerlutik imaluunniit isiginngitsuusaaginnarniarnerlutik maanna aalajangertariaqartut“ oqarpoq.
