MOTOORI

Bifrost Motorsip Mountainbiket, sikkilit elektrikkiusut BMX-ilu nioqqutigilerpai

Sisimiuni Bifrost Motors maanna Mountain Bikesinik, BMX-inik aamma elcykelinik Konanik Harominillu tuniniaasuuvoq.

Bifrost Motorsip qamuteralaatit Ski-doo aamma Lynx, kiisalu ATV-t Can-am maannalu aamma Mountainbikes Kona aamma Haro nioqqutigai.

Trine Juncher Jørgensen Trine Juncher Jørgensen TUSAGASSIORTOQ / TUSAGASSIORTOQ

Saqqummersinneqarpoq 27. Juuli 2026 - 09:43

Sisimiuni Bifrost Motors Canadamiut sikkiliinik Kona-nik Amerikamiullu sikkiliinik Haro-nik Kalaallit Nunaanni tuniniaasunngorpoq.

– Nioqqutissat taakkua assigiinngitsorpassuarnik tunisassiorneri pissutigalugit toqqarpavut. Konap Mountain Biket, gravel cykelit, elcykelit meeqqanullu sikkiliat ilisimaneqaatigai, Harolu BMX-inik freestyle-cykelinillu tunisassiornermigut tusaamasaanerpaavoq, Bifrost Motorsimi pisortaq Maannguaq Philip Lauritzen oqarpoq.

Ussassaarut

Tigulluarneqartoq

Sikkilit tunisassiorfinniit nioqqutissiarineqartut siulliit Sisimiuni suliffeqarfimmut tikissimalereerput.

– Sikkilit siulliit tigoqqammerpavut, pisisartullu soqutiginninnerujussuat malugisinnaalereerparput. Pingaartumik mountainbikesit, BMX-it meeqqanullu sikkilit nuannarineqarluarput, Kalaallit Nunaanni inuit amerlanerusut sukisaarsaarnissaminnik angallatigineqarsinnaasunillu assigiinngitsunik kissaateqarneruleriartortillugit tamanna periarfissaalluartoq takusinnaavarput.

Bifrost Motors Mountain Bikesinik, sikkilit elektriskiusut, meeqqanullu sikkilinik Konameersunik aamma Mountain Bikesinik BMX-inillu Haromeersunik aallaqqaammut pissarsivoq.

– Piumaneqarneruleriartortillugu nioqqutit amerliartuinnarnissaat naatsorsuutigaarput, Maannguaq Philip Lauritzen oqarpoq.