Kalaallit Nunaat qaammatit qulit ingerlaneranni uuliasiorsinnaasoq, ullormullu nappartat 2 millionit avammut tunineqarsinnaasut, Trumpip Kalaallit Nunaannut immikkut aallartitaa Jeff Landry qanittukkut Fox Newsimut oqarpoq.
Jeff Landryp uuliasiornissamut periarfissat eqqartugai Amerikamiut ingerlatseqatigiiffiata Greenland Energy Companyp nalunaarutaanit aallaaveqarput. Taannalu tuluit suliffeqarfiutaat 80 Mile via White Flame Energy peqatigalugu Kalaallit Nunaanni Jameson Landimi uuliasiornissamut akuersissutinik pingasuinnarnik peqarpoq.
Kalaallit Nunaat qaammatit qulit ingerlaneranni uuliasiorsinnaasoq, ullormullu nappartat 2 millionit avammut tunineqarsinnaasut, Trumpip Kalaallit Nunaannut immikkut aallartitaa Jeff Landry qanittukkut Fox Newsimut oqarpoq.
Jeff Landryp uuliasiornissamut periarfissat eqqartugai Amerikamiut ingerlatseqatigiiffiata Greenland Energy Companyp nalunaarutaanit aallaaveqarput. Taannalu tuluit suliffeqarfiutaat 80 Mile via White Flame Energy peqatigalugu Kalaallit Nunaanni Jameson Landimi uuliasiornissamut akuersissutinik pingasuinnarnik peqarpoq.
Ingerlatseqatigiiffiit marluusut naapertorlugit Jameson Land nunarsuaq tamakkerlugu uuliasiorfissat sinneruttut annersaasa 13-issaraat, uuliamik nappartanik 13 milliardinik annertussuseqartumik imaqarluni.
Jameson Landimili uuliamik niuernikkut atuinissamut paasissutissat pioreersut aallaavigalugit naatsorsuutigineqartut piviusunngortinneqarnissaannut suli suliassarpassuaqarpoq.
Taamaammat ingerlatsiveqatigiit nunap iluani misissuinissamut atatillugu annerusumik suliaqaqqaartariaqarput. Stratigrafiimik misissuinissamut kiisalu 3,5 kilometerisut ititigisumik qillerinernut akuersissutinik marlunnik aatsitassarsiornermut oqartussaasunut qinnuteqarsimapput. Taama Aatsitassanut Naalakkersuisoqarfik Sermitsiamut ilisimatitsivoq.
Periarfissat misissorneqassasut
Allatut oqaatigalugu uuliasioqatigiiffiup misissuinermigut nunap qaavatigut ujarassiuut ilimagisaattut annertutigisumik uuliamik nassaartoqarsinnaanersoq paasissavaa. Matumani qillerilluni uuliasiornissaq eqqartorneqanngilaq.
Ujarassiuup ukiuni 25-ni uuliasiornermik gassiliornermillu misilittagaqarluartup Stig-Morten Knutsenip, aamma Kalaallit Nunaanni suliffeqarfimmi naalagaaffimmut atassuteqartumi Nunaoilimi 2010-miit 2013-imut misissuinermi pisortaasimasup, Jameson Landimi periarfissat ilisimalluarpai.
- Jameson Land ujarassiuussutsikkut uuliamik gassimillu nassaarfiusinnaasoq ilisimavarput, tamannali nassaartoqarneranik paasineqassanngilaq, tamannalu qillerisoqartinnagu qulakkeerneqarsinnaanngilaq, Stig-Morten Knutsen oqarpoq nangillunilu:
- Qillereriarluni uuliamik nassaartoqaraluarpalluunniit — tamannalu sumiiffinni arlalinni uuliaqartarmat ilimanaateqarsinnaavoq — uuliamik tunisassiortoqarsinnaalernissaa qulakkeerlugu oqaatigineqarsinnaanngilaq.
- Jameson Land ujarassiuussutsikkut uuliamik gassimillu nassaarfiusinnaasoq ilisimavarput, tamannali nassaartoqarneranik paasineqassanngilaq, tamannalu qillerisoqartinnagu qulakkeerneqarsinnaanngilaq, Stig-Morten Knutsen oqarpoq.
Assi: Nammineq pigisaq
Atortorissaarutit tungaasigut unammillernartut
Ingerlatseqatigiiffiulli uuliamik niuernikkut soqutiginaatilimik nassaassagaluarunik uuliap isumannaatsumik Kalaallit Nunaannit piiarnissaa unammilligassaanni tullinnguutissaaq.
– Assartuinermut tunngasoq ajornartorsiutaavoq. Issittumilu sumiiffinni avinngarusimasuni allani assartuineq ajornartorsiutaajuaannarpoq. Suliffeqarfiit suliniutip ineriartortinnissaanut niuernermi nunap iluaniit piiaanissamut naleqartitat aallaavigalugit naatsorsuusiortarput, imatut paasillugu, umiarsuit uuliamik assartuisussat ilanngullugit suliarineqartarput.
- Tamanna qanoq sivisutigisumik pissanersoq oqaatigiuminaappoq, qularnanngitsumilli ukiorpassuit ingerlanerini pissaaq. Uuliap qanoq innera, qanoq piiaasoqarnissaa aaqqiissutissanillu qanoq nassaarniartoqarnissaa apeqqutaassaaq.
– Uuliasioqatigiiffiit soorlu Chevron, Exxon aamma Equinor siornatigut nunatta avataani uuliamik ujaasisarput. Maannalu suliffeqarfik nunanit tamalaanit aningaasalersorneqartoq nunami uuliasiornissamut akuersissummik ujartuilersimavoq. Soorunami oqartussat eqqarsaqqissaartariaqarneranik tamanna isumaqarpoq, ingerlatseqatigiiffiup suliai qanoq malinnaavigineqarsinnaanersut eqqarsaatigeqqissaartariaqarpaat, Stig-Morten Knutsen oqarpoq.
