KNI-p orsersortarfinni aningaasanik akiliisarneq unitsippaa

Namminersorlutik Oqartussat suliffeqarfiutaat KNI nalunaarpoq januaarip 7-aniit 2027-mi orsersortarfinni aningaasanik tingussaasunik akiliisarneq atorunnaassasoq.

KNI naapertorlugu tamanna akiliisitsisarnerup nutarsarneqarneranik pissuteqarpoq. Nunat tamalaat akiliuteqarfiini kortit atorneqarsinnaasut soorlu Mastercard aamma Visa atorlugit, siunissami orsersortarimmi akiliineq orsiinermut akiliisarfimmi pisassaaq.

- Allannguinermut tunngaviuvoq pisisartut amerlanersaasa digitalikkut akiliinerusalernerat ilutigalugu nammineerluni orsertarfinni pisariinnerusumik, isumannaannerusumik allanngorannginnersumillu ingerlatsilernissaq, KNI allappoq.

Atuisut aningaaserivik aqqutigalugu Mastercartimik imaluunniit Visa kortimik pissarsisinnaanissaat eqqarsaatigalugu, suliffeqarfissuaq siusissukkut taama nalunaaruteqarpoq

KNI-mit ilisimatitsissutigineqarpoq 7. januaari 2027-p tungaanut aningaasanik akiliisoqarsinnaagallassasoq. Atorunnaarsitsiunnaariartornermili aningaasanik akiiliissutinut atortorissaarutit ajortissimasut pisoqalillutilluunniit atorneqarsinnaajunnaartut iluarsartuunneqaratillu taarserneqartassanngitsut erseqqissaassutigineqarpoq.

- Nammineerluni orsertarfinni akiliisarfiit teknikkikkut ajoquteqalerpata aningaasalluunniit atorlugit akiliiffigineqarsinnaajunnaarpata kortit soorlu Mastercard aamma Visa taamaallaat atorlugit akiliisoqarsinnaalissaaq