Malik Pedersen, Nuummi GUX-imi ilinniarnertuunngungajalersoq, illoqarfiit pingaarnersaanni Nuussuup Qinngorpullu akornanni Stanislaw-ip Isikkiviata eqqaani saunamik nutaamik pilersitsivoq.
- Namminersortoorusuttuaannarnikuullungalu namminersortut nuannaartorisarpakka. Saunamik atornikumik pisinissamut periarfissaqalerama atorluarpara aallartillungalu, taanna oqaluttuarpoq.
Malik Pedersen, Nuummi GUX-imi ilinniarnertuunngungajalersoq, illoqarfiit pingaarnersaanni Nuussuup Qinngorpullu akornanni Stanislaw-ip Isikkiviata eqqaani saunamik nutaamik pilersitsivoq.
- Namminersortoorusuttuaannarnikuullungalu namminersortut nuannaartorisarpakka. Saunamik atornikumik pisinissamut periarfissaqalerama atorluarpara aallartillungalu, taanna oqaluttuarpoq.
Malik Pedersen siornatigut arsartartuusimallunilu nunanut allanut unammisartuusimavoq.
Assi: Arctic Sauna
Periuseq 'Arctic Sauna'-mik taaguuteqarlunilu qaammammi matumani aallartinneqarpoq. Ajornanngitsuararsuuvorlu.
Silami saunarusukkaanni immamiluunniit nillertumi kinilluniluunniit nilattalimmut kinikkumagaanni sauna nittartakkakkut nalunaaquttap-akunnerata aappaa avillugu sivisussusilikkaartumik inniminniisoqarsinnaavoq, saunap Facebookimi quppernerani allassimavoq.
Kisimiilluni ikinngutilluunniit arfineq-marluk angullugit ilagalugit inniminniisoqarsinnaavoq.
- Aamma saunagusertitsisalerniarsaraanga. Saunagusertitsisartunik ujaasivunga, taamaammat takkukkumaarpoq, Malik Pedersen 20-nik ukiulik neriorsuivoq.
Angut inuusuttoq Arctic Saunamik piginnittoq maanna Nuummi GUX-imi timersornermut tunngasunik ilinniarnertuunngornissaminut utaqqiinnarpoq.
Aamma saunartarneq nammineq nuannaraa.
- Uanga nammineq taamaaliortarnikuullungalu ikinngutikkalu ilagalugit nuannersunik misigisaqartarpunga, taanna oqaluttuarpoq.
Sullitani taamatut misigisaqartissinnaassallugit neriutigaa.
- Sauna manna tikillugu inunnit nuannarineqarluarpoq, neriuppungalu taamaaginnassasoq, taanna oqarpoq.
