DANMARKIMI NIPISANNIARNEQ

Nipisaat eqqissisimatitaalluinnarnissaannik Ministeri aappaagu ilanngullugu sivitsuivoq

2025-imi nipisattassanik danskit aalisartuinut tunniussisoqanngilaq. DTU Aquap siunnersuineratigut nipisaat eqqissisimatitaanerat sivitsorneqarpoq.

Stenbiderit soorlu taakku amerlassusiat appasippoq ukiup ataatsip aalisarneq inerteqqutaareersoq, DTU Aquameersuupput. Maanna ministerip immikkoortortaq pillugu inerteqqutip sivitsornera malinnaavigaa.
Saqqummersinneqarpoq

Danmarkip naalakkersuisui aalajangerput nipisanniarnissamut tunngatillugu pisassiinngilluinnarneq sivitsorniarlugu, taamaalilluni 2026-imut aamma atuutissalluni.

Inuussutissanut, nunalerinermut aalisarnermullu Ministeri, Jacob Jensen (V), Ritzau-mut taamak ilisimatitsivoq.

Aalajangiineq pivoq, DTU Aqua-p siunnersuisuusiarisaa nutaajunerpaaq ersersitsimmat nipisaat amerlassusaat suli appasissorujussuarmik inissisimasoq.

- isertuutissanngilara neriussimagaluarama nipisanniarneq aallarteqqissinnaassasoq, ukioq ilivitsoq nipisanniarnerup uninngatereernerata kingorna, Jacob Jensen Ritzau-mut oqarpoq nangillunilu:

- Ajoraluartumik amerlassusiat suli ulorianartorsiortinneqarpoq, tamannalu soorunami imaannaanngitsutut tiguara.

Nipisattassanik pisassiisoqannginnera siorna ukiup naajartornerani atuutilerpoq 2025-imullu atuulluni.

Aalisartut eqqugaasut ikiorsiissutissanik qinnuteqarsinnaapput.

- Soorunami tamanna ajuusaarnarpoq, jyskisut oqassagaanni, aalisartunut, nipisanniarnermik pingaarnertut inuussutissarsiuteqartunut. Taamaattumik aamma isumaqatigiissutigaarput annaaneqarsimasunut ikiorsiissutissanik pilersitsissalluta, taanna oqarpoq.

Aalisarnermut isumaqatigiissummi juulimi danskit naalakkersuisuisa, SF, Liberal Alliance, De Konservative, De Radikale aamma Alternativet akornanni isumaqatigiissutigineqarpoq 8 millioner koruuninik nipisanniartartunut aamma nimerianniartartunut ikiorsiissutigineqassasut.

Ministeri malinnaassanerarpoq nipisaat amerlassusiisa ineriartornerannut, taamaattorli 2026-ip naanerani aatsaat paasinarsissaaq siunissami qanoq iliortoqassanersoq.

- Uumasoqatigiinni nipisak tassaavoq uumasoq nammineq immikkorluinnaq pissuseqartoq, tamannalu malinnaaffigisinnaasariaqarparput ukiup ingerlanerani, taanna oqarpoq.

Inerteqqut inuussutissarsiutigalugu aalisartunut sunngiffimmilu aalisartartunut atuuppoq, ministereqarfiup tusagassiorfinnut nalunaarutaani allassimavoq.

2024-mi nipisattassiissutinik aatsaavissuaq pisassiisoqarpoq, tassanilu aalajangersarneqarpoq danskit imartani qanoq annertutigisumik pisaqartoqarsinnaassanersoq.

Tamatuma kingorna uumasup taassuma aalisarneqarneranik inerteqquteqalernermik malitseqartinneqarpoq.

Powered by Labrador CMS