Nunarsuarmi aatsitassat pillugit nittarsaassinert annersaanni PDAC-imi (Prospectors & Developers Association of Canada) Torontomi marsip aallaqqaataaniit sisamaata tungaanut 2026-mi ingerlanneqartussami Kalaallit Nunaat pisarnertut peqataatitaqangaatsiarpoq.
Aallarniut
Nunarsuarmi aatsitassat pillugit nittarsaassinert annersaanni PDAC-imi (Prospectors & Developers Association of Canada) Torontomi marsip aallaqqaataaniit sisamaata tungaanut 2026-mi ingerlanneqartussami Kalaallit Nunaat pisarnertut peqataatitaqangaatsiarpoq.
Aallarniut
Aallartitat aatsaat taama amerlatigisut aallarniutitut naapinnissamut sapaatiummat qaaqqusaapput, tassanilu Danmarkip Canadamut aallartitaa Nikolaj Harris aamma naalakkersuisut Naaja H. Nathanielsen (IA) aamma Peter Borg (D) peqataapput.
SERMITSIAQ NITTARSAASSINERMI PEQATAAVOQ
Prospectors & Developers Association of Canada-p (PDAC) ukioq manna ingerlanneqarnerani Sermitsiaq peqataavoq.
Aatsitassat pillugit nittarsaassineq nunarsuarmi annersaavoq, 27.000-30.000-illu akornanni peqataasoqarnissaa naatsorsuutigineqarluni. Nittarsaassineq marsip aallaqqaataaniit sisamaat ilanngullugu ingerlanneqassaaq. Naalakkersuisut Dansk Industri aamma Sulisitsisut peqatigalugit PDAC Torontomi qulissaanik nittarsaassivoq.
Kalaallit Nunaanni inuussutissarsiorneq aatsitassarsiornerlu pillugit Sermitsiaq ulluni tulliuttuni allaaserinnittassaaq.
Borgmesterit marluk, Avannaata Kommuniani borgmesteri Lars Erik Gabrielsen (S) aamma Kommuneq Kujallermi borgmesteri Malene Vahl Rasmussen (D), nittarsaassinermut peqataajartorlutik Atlantikoq ikaarlugu angalasimapput.
Inatsisartuni Inuussutissarsiornermut Aatsitassanullu Ataatsimiititaliami ilaasortat aamma peqataapput; Mariane Paviasen (IA), Hans-Erik Enoksen (D), Lars Poulsen (S) sinniisorlu Aqqalu C. Jerimiassen (A).
Sulisitsisuni pisortaq Christian Keldsen.
Assi: Trine Juncher Jørgensen
Nunuarsuarmi politikikkut soqutigineqarneq
Aallarniutitut aaqqissuussami Kalaallit Nunaata USA-mi Canadamilu aallartitaqarfiani pisortaq Jacob Isbosethsen pingaarnertut oqalugiarpoq, taassumalu nunarsuarmi politikkimi Kalaallit Nunaat qanoq pingaaruteqartigisoq oqaatigaa.
– Nunarsuarmi politikkikkut soqutigineqarnerulerneq kalaallit suliffeqarfiinut soqutiginninnerulernermik, aammali suliassinnik ilisimasaqarnermik, ammasumik periusissiornermillu ilisimaarinninnermik naatsorsuuteqarfigineqarnersinnik kinguneqarpoq.
- Sillimaniarnermut politikki inuussutissarsiornermullu politikki immikkoorunnaarput, Jacob Isbosethsen ilaatigut oqarpoq, taassumalu Kalaallit Nunaat arajutsineqarni pimoorunneqartoq naqissuserpaa.
Assi: Trine Juncher Jørgensen
Jacob Isbosethsen ukiup ataatsip ingerlanerani suliassat pilersaarusiornikkullu imaannaasimanngitsut oqarpoq, aammali inuttut.
– Minnerunngitsumik ilissinnut Kalaallit Nunaanniittunut amerlasuunut: Nalornineq, oqariartuuterpassuit, isumaliutersuutit nunagisallu pigilerneqarsinnaasutut tiguarneqarsinnaasutut eqqartorneqartillugu. Tamanna aamma suliffeqarfinnut, aningaasaliisunut, sulisunut ilaqutaannullu sunniuteqarpoq. Sillimaniarnermut politikki inuussutissarsiornermullu politikki immikkoorunnaarput, Jacob Isbosethsen ilaatigut oqarpoq, taassumalu Kalaallit Nunaat arajutsineqarni pimoorunneqartoq naqissuserpaa.
- Nunarsuarmi nunani aqutsisut tusaavaatigut. Aalajangikkavut oqariartuutigisartakkavullu malinnaaffigaat. Tamannalu periarfissanik unammilligassanillu nassataqarpoq. Taamaammat akisussaassuseqartumik pissuseqarnissatsinnik kinguneqarpoq.
Inatsisartuni Inuussutissarsiornermut Aatsitassanullu Ataatsimiititaliami ilaasortat. Saamerlermiit Hans-Erik Enoksen (D), Mariane Paviasen (IA), Lars Poulsen (S) aamma sinniisoq Aqqalu C. Jerimiassen (A).
Assi: Trine Juncher Jørgensen
Oqallinneq ullullu tulliuttut
Tamatuma kingorna "Issittumi piiaaffeqarneq" qulequtaralugu oqallittoqarpoq, tassanilu Canadap Kalaallit Nunaatalu qanoq imminnut ilinniarfigisinnaanerat sammineqarluni.
Kalaallit Nunaannit Danmarkimiillu suliffeqarfiit 37-t nittarsaassinermut peqataasut ilaat tassaapput 60 North, Air Greenland, Arctic Import, Arctic Law, Blue Water Shipping, COWI, EMJ Atcon, GreenlandCopter aamma Grønlandsbanken.
Kalaallit Nunaanniit suliffeqarfiit 37-nik Torontomi ataatsimeersuarnermi peqataapput. Aatsaat taama amerlatigaat. Taakku saniatigut Namminersorlutik Oqartussat, kommunit aallartitaat aamma inuussutissarsiornermut aatsitassanullu ataatsimiititaliaq peqataapput.
Assi: Trine Juncher Jørgensen
Tamatuma saniatigut suliffeqarfiit arlallit Kalaallit Nunaanni akuersissutillit peqataapput, soorlu Amaroq Minerals, Lumina, GreenROC Mining, Tanbreez, Energy Transition Minerals aamma Greenland Resources.
Greenland Day ataasinngornermi ingerlanneqassaaq, ukioq mannalu Frankrigip Canadallu suleqatigiisinnaanerannut periarfissat sammineqassallutik. Tamatuma saniatigut aatsitassarsiortitseqatigiiffiit arlallit Kalaallit Nunaanni akuersissummik piginnittuusut suliniutitik pillugit saqqummiissapput. Taakkulu tassaapput Greenland Graphite, Greenland Resources, Greenland Anorthosite Mining, Lumina Sustainable Materials aamma Nalunaq.
