Suliffeqarfik Anda Uldumimik siuttuuffigineqartoq, imermik atuinissaminik akuersissummik tunineqartoq

Naalakkersuisut imermik atuinissamut akuersissummik nutaamik tunniussipput.

Ingerlatseqatigiiffik Agrowa ApS, siusinnerusukkut politikkeriusumik erinarsortartutullu tusaamasaasumik Anda Uldumimik pisortaaffigineqartoq, akuersissummik tunineqarpoq.

Qeqqata Kommuniani Atammiup eqqaani Sammisup Tasersuata eqqaani sumiiffinni marlunni kisermaassilluni imermik atuinissamut akuersissummik Agrowa ApS tunineqartoq.

Naalakkersuisut naapertorlugit suliniummi imermik minguittumik tunisassiorsinnaanissaa siunertaralugu, ingerlatseqatigiiffik kisermaassisussaatitaalluni imermik atuinissamut akuersissummik tunineqarpoq,.

Nunani tamalaani imermik annertuukkaanik assartuinissaq tunisinissarlu siunertaralugit Sammisup Tasersuanit imeq aaneqartassaaq, Naalakkersuisut nangillutik allapput.

Naalakkersuisut ingerlatseqatigiiffiup pilersaarutai pillugit nangillutik allapput, attaveqaasersuutit pisariaqartut pilersinneqartarnerat tunitsivissanullu periarfissaqalerneq ilutigalugit avammut nioqqutigineqartussat annertussusaat annertusiartuaartinneqassapput.

Ingerlatseqatigiiffik Agrowa CVR nalunaarsorsimaffiat naapertorlugu marsip aallaqqaataani 2024-mi pilersinneqarpoq. Andreas Uldum pisortaavoq, ingerlatseqatigiiffillu ingerlatseqatigiiffimmit allamit, Nowa Group A/S-imit, Korsørimiittumi februaarimi 2026-mi pilersinneqarsimasumit, pigineqarpoq.

Nowa Group arlalinnit pigineqarpoq. CVR naapertorlugu suliffeqarfiup affaa peqatigiiffimmit Balders F.M.B.A-mit pigineqarpoq. Det Konservative Folkeparti sinnerlugu Folketingimut ilaasortaasimasoq niuertorlu Niels Ahlmann-Ohlsen peqatigiiffimmi siulersuisuni siulittaasuulluni.