Polar Seafood Kalaallit Nunaanni raajanik issittup imartaanit Atlantikup avannaaneersunik tunisassiortut annersaasa ilagaat.
Kalaallit Nunaanni raajartassat ikiliartornerata, pingaartumik Kitaani, suliffeqarfissuup Nuummi tunisassiorfianut naammattunik tunisassiorniarneq piffissami sivitsortumi ajornakusoornerulersikkiartorpaa.
Polar Seafood Kalaallit Nunaanni raajanik issittup imartaanit Atlantikup avannaaneersunik tunisassiortut annersaasa ilagaat.
Kalaallit Nunaanni raajartassat ikiliartornerata, pingaartumik Kitaani, suliffeqarfissuup Nuummi tunisassiorfianut naammattunik tunisassiorniarneq piffissami sivitsortumi ajornakusoornerulersikkiartorpaa.
Taamannalu sulisut ikinnerulernerannik kinguneqarpoq.
Kalaallit Nunaata imartaani tunisassiassat amigaataalernerat tunisassiornerup annikinneruleqqinnissaanik kinguneqaqqunagu suliffeqarfik allatut aaqqiissuteqartariaqarsimavoq, USA-miillu tunisassiassanik pisiniartariaqalerluni.
Kalaallit Nunaanni tunisassiassa0nik amigaateqarneq pissutigalugu suliffeqarfik USA-mi suliffeqarfinnit raajanik Manerassuarmit aalisarneqarsimasunik eqqussuisariaqalersimasoq, Polar Seafood tusagassiuutinut nalunaarummi allappoq.
Raajat containerit siulliit USA-p kitaata sineriaani Seattlemeersut Nuummut oktobarip ingerlanerani tikiunnissaat naatsorsuutigineqarpoq, taakku Polar Seafoodip tunisassiorfiani suliarineqassapput.
Raajat Amerikameersut tassaapput issittup imartaaneersut uumasoqatigiiaat Pandalus Jordanimik taaneqartartut Manerassuarmi aalisarneqartut. Aalisakkerivimmi tunisassiorneq suliassullu suliassaqarnissaat qulakkeerniarlugit raajat eqqussorneqassapput.
Pisortaq: - Asuliinnaq taamaaliunngilagut Pisoq Kalaallit Nunaanni raajanik tunisassiornerup unammillernarsinerannik ersersitsisoq Polar Seafood Greenlandimi pisortaq Bent Salling isumaqarpoq.
- Tunisassiorsinnaajumalluta raajanik Manerassuarmeersunik Kalaallit Nunaannut eqqussuisariaqarnerput ilungersunartumik inissisimanitsinnik ersersitsivoq. Asuliinnaq taamaaliunngilagut. Kisianni tassa aalisakkeriviuteqarpugut sulisoqarlutalu taakkulu suliassaqartikkumallugit aaqqissutissarssiortariaqarluta, Bent Salling Polar Seafood Greenlandimi pisortaq oqarpoq.
- Tunisassiorsinnaajumalluta raajanik Manerassuarmeersunik Kalaallit Nunaannut eqqussuisariaqarnerput ilungersunartumik inissisimanitsinnik ersersitsivoq. Asuliinnaq taamaaliunngilagut. Kisianni tassa aalisakkeriviuteqarpugut sulisoqarlutalu taakkulu suliassaqartikkumallugit aaqqissutissarssiortariaqarluta, Bent Salling Polar Seafood Greenlandimi pisortaq oqarpoq.
Assi: Polar Seafood
Erseqqissarpaa issittup raajai nunatsinneersut, uumasoqatigiinnik Pandalus borealisiusut, nunanit allaneersunit taarserneqarnissaat siunertarineqanngitsoq, Nuummili aalisakkeriviup ingerlaannarnissaa pineqartoq.
- Soorunami kalaallit raajaat atorlugit tunisassiorusunneruvugut. Suliffeqarfipput taakkunannga tunngaveqarpoq. Pisassiissutilli tunisassiornermut naammanngippata utaqqiinnarsinnaanngilagut. Taava periarfissat allat misissortariaqarpavut, oqarpoq.
Tunisassiorfiup pisinnaasaanit maanna qanoq atuisoqarpa?
- Pisinnasamik atuineq eqqoqqissaartumik procentileruminaappoq, kisianni tunisassiassanik allaneersunik eqqussuineq ineriartornerup sumut ingerlaneranik ersersitsivoq, taanna oqarpoq.
2023-mi Nuummi tunisassiorfimmut raajat 12.800 tonsit tikiunneqarsimapput, 2024-mi 10.250 tonsiullutik 2025-milu 10.470 tonsiullutik. Tunisassiassat qerisut, uunneqarlutillu ameraajarneqartussat pineqarput.
- 2026-mi 7.000 tonsit angunissaat naatsorsuutigaarput, taakkunannga amerlasuut avataaneersuupput. 2023-imi tikiunneqartut 55 procenteraat.
- Tunisassiassanik naammattunik peqartariaqarpugut tunisassiorneq ataavartissagutsigu, unammillernartoqarneralu taamatut ersersinneqarpoq, taaanna oqarpoq.
Aalisarnermut inatsisip qeratanera annertuumik unammillernarnerarlugu tikkuaavoq.
- Ukiumut pisassanit qanoq annertutigisut tuneqqinneqarsinnaanerat siornatigut killeqanngilaq. Killigititaasoq ullumikkut 10 procentiuvoq. Aalisartut ilaasa pisassaarutiaartarnerannik ilaasalu nunguutsinngilluinnartarnerannik tamanna kinguneqarpoq.
Polar Seafood ukiorpassuarni Kalaallit Nunaanni tunisassiornermut suliffissanillu pilersitsinissamut aningaasaliisarpoq. Tunisassiassanilli amigaateqarnerup maanna atuuttup aalisakkerivinni pisinnaasanik atuinissaq ajornarnerulersippaa.
Taamaaginnartoqarsinnaanngilaq Tunisassiassanik nutsinneersunik amigaateqaraluarlutik Nuummi aalisakkerivimmik unititsinnginnissaq sulisitsiinnarnissarlu anguniarlugit raajanik Manerassuarmi pisaanik eqqussuillutik misilippaat.
- Sulisoqarpugut, aalisakkeriveqarpugut tunisassiorusullutalu. Tunisasiassat naammattut kisiisa amigaatigaagut. Tunisassiornerullu ingerlaannarnissaa anguniarlugu iliuuserisinnaasavut iliuuseraavut. Kisianni siunissaq ungasinnerusoq eqqarsaatigalugu imminut akilersinnaanngilaq nunarsuup illuatungaaniit raajanik eqqussuilluta Kalaallit Nunaanni tunisassuiorniarutta, Bent Salling oqarpoq.
2027-mi qanoq annertutigisumik eqqussisoqarnissaanik naatsorsuutitik maanna oqaatigiumanngilai.
- Naatsorsuutigaarpulli tunisassiassanik pilersorneqarnerup unammillernarnera uninnavianngitsoq. 2027-mi tunisassiassat nunatsinneersut katillugit 5.000 tonsit pallikkumaaraat maannamut naliliivugut.
- Sapinngisamik aalisakkeriviup ingerlaannarnissaa anguniarlugu allatut iliorluta tunisassiassanik pissarsinissarput qulakkeerniarsaraarput, Bent Salling oqarpoq.
Raajat Barentsip imartaaneersut Islandimi suliffissuarmut pisiarisarpaat Sooruna Polar Seafood Barentip imartaani raajanik Norgemiit EU-milu kilisaatinit tassani aalisartunit aallinngitsoq?
- Islandimi tunisassiorfitsinnut Barentip imartaani raajanik pisisareerpugut, 2026-mili Barentip imartaani raajarniarneq unammillernarpoq, maannakkullu Norgemi Islandimilu tunisassiorfinni tunisassiassat amigaatigineqarput.
- Taamaattumik aalajangerpugut tuniniaaviit allat atorniarlugit USA-miillu raajanik pisilluta. Kalaallit Nunaanni Islandimilu tunisassiassat eqqussugassatut toqqakkavut uumasoqatigiit allaanerupput.
- Polar Seafoodimit Kalaallit Nunaanni tulaassassatsinnit 25 procentiusunit annertunermik tulaassivugut. Tunisassiassat Kalaalit Nunaanneersuunissaanut piumassuseq unammillernartinngilarput, tunisassiassiornerliuna qulakkeerniarlugit tunisassiassat naammattut amigaataasut, Bent Salling oqarpoq.
Nuummi suliffissuaq tamakkiisumik ingerlatillugu sulisut 70-it missaanniissapput.
- Maannakkut suliffissuarmi 50-it missaannik sulisoqarpugut. Tunisassiassat naammattut suliffissaqartitsiniarnermut pingaaruteqarnerat taamaalilluni takuneqarsinnaavoq. Anguniagarput ersarissoq tassaavoq sapinngisamik annertunerpaamik ingerlatsineq, sapinngisamillu amerlanerpaanik suliffissaqartitsineq, taanna oqarpoq.
Raajat eqqussorneqartut kalaallit tunisassiaanut tapertaanerat Polar Seafoodip pisortaanerata naqissuserpaa. Sapinngisamik annertunerpaamik tunisassiornissaq, suliffissaqartitsinissaq kalaallillu pissarititaat atorlugit Kalaallit Nunaani nalittorsaanissaq suliffeqarfiup ersarissumik anguniagaraa, taanna oqarpoq.
Aalisakkat nungusaataanngitsumik amerliartornissaat qulakkeerniarlugu ukiut tamaasa NAFO, Northwest Atlantic Fisheries Organization aamma Pinngortitaleriffik nalunaarusiortarput siunissami pisassiissutit pillugit innersuussuteqarlutik.
NAFO-p ilisimatuussutsikkut siunnersuisoqatigiivini biologit 2026-mi Kitaani raajarnissanik pisassiissutit 75.000 tonsiusut innersuussutigaat, tamannalu 2025-mut sanilliullugu 5.000 tonsinik ikileriarneruvoq. 2027-mi pisassiissutit 80.000 tonsiunissaat innersuussutigineqarpoq. Tamatuma saniatigut aappaagu Tunumi 1800 tonsit aalisarneqarsinnaanissaat NAFO-mit innersuussutigineqarpoq.
