Tusagassiorfik: SAS-ip Nuummut timmisartuussisarnini unitsippaa

SAS-ip juunimi timmisartuussinissat arlallit taamaateqqaariarlugit, aasaanerani angallassinissamut bilitsit akiinik qaffaavoq.

Maanna silaannakkut angallanneq pillugu tusagassiorfik Check-in.dk SAS Københavnimiit Nuummut 2026-mi timmisartuussinissat tamaasa taamaatikkai allappoq.

AAMMA ATUARUK

SAS-ip timmisartuussinissat hunnorujukkaat taamaatippai – Nuummut bilitsit akitsorput

Timmisartunut orsussap akitsoraluttuinnarnera pissutaasoq, tusagassiorfik allappoq.

Kangiani Qiterlermi sorsunneq pissutigalugu timmisartunut orsussaq akitsorujusssuarpoq, tassani Iranip Hormuzip kangerluatigut aqqut assartuussinermut pingaarutilik qaammatini arlalinni mattussimammagu.

SAS-ip nittartagaani Københavnimiit Nuummut angalanissamik inniminniisoqarsinnaajunnaarsimasoq takneqarsinnaavoq.

Timmisartortitseqatigiiffik 2025-mi sapaatip-akunneranut pingasoriarluni timmisartuussisarnini aallartippaa.

Sermitsiap SAS-imit oqaaseartitsinissaq sulissutigaa.