Avaleraasartuut qillertuusamiittut Europami angerlarsimaffippassuarni nillaataartitsivinni immuttuulli pinngitsoorneqarsinnaanngitsigilersimapput. Naalli avaleraasartuunik tunisassiat igaffinni nalinginnaagaluartut avaleraasartuut imaaniittut nalinginnaajunnaarsimapput.
Avaleraasartuut ukiorpanni ima aalisapilunneqartigaat nunat tamat imaata ilisimatusaatigineqarneranut siunnersuisoqatigiit ICES ukioq manna Atlantikup imartaata avannaata kangiani avaleraasartuunik pisassat malunnaatilimmik appartinneqassasut innersuussutigalugulu siorna mianersoqqusillutik.
Avaleraasartuut qillertuusamiittut Europami angerlarsimaffippassuarni nillaataartitsivinni immuttuulli pinngitsoorneqarsinnaanngitsigilersimapput. Naalli avaleraasartuunik tunisassiat igaffinni nalinginnaagaluartut avaleraasartuut imaaniittut nalinginnaajunnaarsimapput.
Avaleraasartuut ukiorpanni ima aalisapilunneqartigaat nunat tamat imaata ilisimatusaatigineqarneranut siunnersuisoqatigiit ICES ukioq manna Atlantikup imartaata avannaata kangiani avaleraasartuunik pisassat malunnaatilimmik appartinneqassasut innersuussutigalugulu siorna mianersoqqusillutik.
Maannali avaleraasartuunik aalisartunut, Norgemi Savalimmiunilu avaleraasartuunik annertuunik pisaqartartuniit Kalaallit Nunaannut, aalisariutaatilinnut aningaasarpassuaqarfiusuni ikinnerpaamik pisaqartartumut nuannersumik nutaarsiassaqarpoq.
ICES-imi imaanik ilisimatuut Atlantikup avannaani avaleraasartuut suffisartut 3,2 tonsiusut, tassalu mianernartumik killiffimmik taaneqartartunit amerlanerulaartut maanna tupaallannartumik nalilerpaat.
Taama inissisimasoqarneratigut nunat tamalaat akornanni imaanik ilisimatusarnermi siunnersuisoqatigiit ukioq manna pisassaniit amerlanerujussuarnik 2027-mut pisassanik innersuussipput. ICES pingasunngornermi septembarip 30-ani taama nalunaarpoq.
Mianernartumik kiffillik tassaasarpoq suffisinnaasut ikinnerpaagaangata amerliartornissamut periarfissiilluartoq.
Taamaalilluni ICES aappaagu avaleraasartuunik 353.000 tonsinit amerlanerunngitsunik pisassiinissamik innersuussivoq. 2026-mi pisassatut innersuunneqartut 174.000 tonsit qaangissanngikkaat aalajangerneqarpoq. Taamaammat siunnersuutigineqartoq marloriaataavoq.
- Avalaraasartuut suffisartut maanna mianernartumut killiffimmit amerlanerulersimasut imaanik ilisimatusarnermi siunnersuisoqatigiit ICES naliliimmat nuannaarutigaarput, Polar Seafood Greenlandimi pisortaneq Bent Salling oqarpoq.
Ingerlatseqatigiiffik kalaallit aalisariutaatillit avaleraasartoorniarnermi akuusut ilagaat.
Umiarsuaq Polar Amaroq ilaatigut avaleraasartoortalinnik ukiorpassuarni aalisarsimavoq. Umiarsuaq Polar Pelagic-imit pigineqarpoq, taassumalu pingaarnertut piginneqataaffia tassaavoq Polar Seafood Greenland. Ukioq manna aalisarneqartut pingaarnerpaat ilaatigut Savalimmiuni Fuglefjordimi Kollafjordimilu tulaanneqartarput.
Assi: Polar Seafood
Ukioq manna avaleraasartuut 400.000 tonsit aalisarneqartut nalilerneqartoq
Ukioq manna avaleraasartuut 400.000 tonsit missaat, tassalu biologit pisassatut innersuutannit marloriaat sinnerujussuarlugu, aalisarneqartut imaanik ilisimatuut nalilerpaat.
Naak ukioq manna Atlantikup imartaata kangimut avannaani avaleraasartuunik pisassat 174.000 tonsit qaangissanngikkaat ICES innersuussigaluartoq Norge, Savalimmiut, Tuluit Nunaat Islandilu siorna decembarimi avaleraasartuut pillugit 2026-mi tamakkiisumik pisassatut 300.000 tonsingajaassasut isumaqatigiissutigaat.
Ukioq manna tamakkiisumik pisarineqartussatut ilimagisat 80 procentingajammik appertinneqassasut ICES 2026-mut innersuussivortaaq. Ukiorpassuarni aalisapiluttoqareersorlu taama nalunaartoqarpoq. Ingammik Norge Savalimmiullu oqartussaasut amerlanerusunik pisassiimmata annertuumik aalisarsimapput.
ICES-ip 2027-mut kalaallinut aalisariutaatilinnut nunat tamalaat imartaani avaleraasartoorniaqataasunut siunnersuutaa qanoq kinguneqassangatippiuk?
- Ukioq mannamut TAC annertuumik annikillisimavoq. Maanna uumassusililerisut innersuussutaat aappaagumut pisassanut qanoq sunniuteqassanersoq takussavarput, Bent Salling oqarpoq.
TAC tassaavoq pisassiissutit annertunerpaaffissaat. Kalaallit Nunaanni Naalakkersuisut avaleraasartuunik pisassiisarlutillu, pisassallu, TAC, aalisariutaatilinnut agguaattarpaat.
Taaneqareersutut Atlantikup avannaata kangiani ukioq manna pisarineqartut 400.000 tonsit missaanniipput. Tamatuma nunat ukioq manna aalisarneqartunut naleqqiullugu, ICES-ip innersuussaa malissagunikku 2027-mi ukioq manna ikinnerujussuarnik pisassaqarnissaat kingunerissavaa.
”ICES-ip 2027-mut innersuussinera malinneqassappat 2028-mi aalisakkat mianernartumut ikilinissaannut 33 procentimik ilimagineqarsinnaavoq”, Norgemi immap ilisimatusaatigineranut ingerlatsivimmit oqaatigineqarpoq.
Issakkunni allannitsituut kalaallit aalisariutaatillit aasaq manna nunat tamat imartaani avaleraasartoorniarnerat tamaanga killeqarpoq. Kalaallit avaleraasartuut pisaat siorna 37.502 tonsiusimasut 2026-mi 20.376 tonsiupput.
Naalakkersuisut kalaallinut aalisariutaatilinnut pisassiillutik avaleraasartoortassatut TAC-mi pisassiisarput.
Assi: Oscar Scott Carl
Aatsaat taama akigissaartigisut
Naak pisassat ikinnerugalurtut aalisariutaatillit 2026-mi isertitaqarluarsimapput. Matumani avalaraasartuut aatsaat taama akigissaartiginerat peqqutaavoq. Akit 2025-mi aamma qaffasipput.
Avaleraasartuut ukiorpassuarni Kalaallit Nunaata imartaani aalisarneqartuni pingaarnerpaat ilagaat. Kalaallit pisassaat 2025-mut assersuukkaani 2026-mi 48 procentimik ikinnerupput. Aalisariutaatillilli pisaminnik isertitaat qaffasissimapput.
Polar Pelagic aalisariutit Polar Amaroq aamma Polar Ammassak atorlugit avaleraasartoorniarpoq, Polar Seafood Greenlandilu aalisariut Polar Princess atorlugu aalisarluni.
Kalaallit Nunaat ataatsimut isumaqatigiissummi ilaanngitsoq
Polar Seafood Greenland Islandimiumit Sildarvinslan ingerlatseqatigiiffissuup Samherjip ikinnerussuteqarluni pigisaata ilagalugu Polar Pelagicimi pingaarnertut piginnittuuvoq.
Islandimi Ísefélag Vestmanaeyja ikinnerussuteqarluni piginnittuusoq Royal Greenland Pelagic Greenlandimi pingaarnertut piginnittuuvoq. Pelagic Greenland aalisariut Tasiilaq atorlugu avalaraasartoorniarpoq. Sikuaq Trawl aalisariut Svend C atorlugu avaleraasartoorniarpoq.
Naalakkersuiisut kalaallinut aalisariutaatilinnut pisasiillutik avaleraasartoortassanik TAC-mik pisassiisarput. Kalaallit Nunaat TAC-p, tassalu tamakkiisumik pisassat, 6,5 procentiatut annertussusilimmik ukiuni arlalinni pisassiisarpoq.
Tuluit Nunaanni illoqarfiit pingaarnersaanni Londonimi nunat sineriallit Savalimmiut, Norge, Tuluit Nunaat Islandilu 2025-mit siunissaq ungasissoq isigalugu avaleraasartuut pillugit ataatsimoorlutik siorna isumaqatigiissuteqarput. Tamanna 2024-mit isumaqatigiissutip ingerlaqqinneraa.
Nunat sineriallit Kalaallit Nunaat EU-lu ukioq mannamut isumaqatigiissummi ilaassasut nunani sineriaqartuni sisamani neriuutigineqarpoq. Tamannali iluatsinngilaq.
Paasisaqarfiit ilaat naapertorlugu nunat sineriallit ukioq manna kingusinnerusukkut Londonimi ataatsimiilerpata 2027-mi aalisarnissami ataatsimut isumaqatigiissummi ilaanissaq Kalaallit Nunaannit kissaatigineqanngitsoq Sermitsiamit paasineqarpoq.
