Jensia Højgaard Dam, nipilersullaqqissuusoq,
erinarsoqatigiit Nuummi Katersortarfimmi sapaatip-akunnerata siuliata naanerani
tusarnaartitsinerannik killitsinnartumik aaqqissueqataavoq.
Tusarnaartitsineq erinarsoqatigiit ulluni sisamani sungiusaqatigiinnerisa
kingorna pivoq.
Jensia Højgaard Dam, nipilersullaqqissuusoq,
erinarsoqatigiit Nuummi Katersortarfimmi sapaatip-akunnerata siuliata naanerani
tusarnaartitsinerannik killitsinnartumik aaqqissueqataavoq.
Tusarnaartitsineq erinarsoqatigiit ulluni sisamani sungiusaqatigiinnerisa
kingorna pivoq.
Erinarsoqatigiinnut ilaasortaasut, ilaasortaasimasut
erinarsornermillu nuannarisallit peqataaffigisaanni. Tamatuma kingunerisaanik
erinarsoqatigiit nipilersortartullu tallimat tusarnaartitsipput.
Erinarsoqatigiit ataatsimoorussillutik Nuka Alicep erinniaralugulu taalliaa
tusarneqisumik attortinnaqisumillu atorpaat.
Taava Arctic Echoes
tusarnaartitsipput. Pingasunnguupput, tusarningaarlutillu, erinarsortartunilli
allanit ingiorneqarsimagaluarunik inersuaq tamaat
tusarnersaarfigisimassagaluarlugu. Kingorna Filippino Nuuk Choir tusarnaartitsipput, kalaallisulli
ilisaritinneqaqqajanngitsut annertuumik ersaartaanneqarput.
Filipino Nuuk Choir tulluusimaarlutik tusarnaartitsinerup kingorna qiimmattaatigineqarput ersaattaatigineqarlunilu.
Assi: Jette Andersen
Erinarsuut siulleq,
Filippinerit sinnassaataat, atoreeraallu ersaartaalluarneqarpoq. Erinarsuut
kingulleq, inuiattut erinarsuutaat nuannarineqarluartoq, tusarnaareerlugu aamma
taamatut. Kalaallit Nunaanni Nipilersortartut “Underground tango”
tusarnaartitsissutigaat. Nipilersuut appitaat aallaqqaammut soorlulusooq
filmimut pissanganartussiamut nipilersuusiaq, sivitsunngitsorli arnaq aappillarimmik
kjolilik qitilluni aallartimmat angutip atisagissaartup qiteqasiuppaa.
Tamatuma kingorna erinarsoqatigiit Jensia
Højgaard Dam peqatigalugu erinarsortarunnaarput.
Erinarsoqatigiillu ataatsimoorussillutik Jensina Højgaard Dam aqutsisuliullugu
appisimaarlutik.
Chiho Audibert kukkilattariartoq.
Assi: Jette Andersen
Jensiap erinarsoqatigiit tamaasa immikkut
isigai, piareersimanersut qulakkeerniarpasilluni. Pissingallattaasinnarlunilu
erinarsoqatigiit appisippai. Erinarsoqatigiit Jensialu appisimaaqatigiinnerat
immikkuullarilluinnartoq, isiginnaartunit maluginiarneqarpoq.
Tusarnaartitsinermi peqataasut tamarmik pitsaanerpaamik
iliuuseqarusussuseqartut maluginiarneqarsinnaavoq. Piffissap ilaani
erinarsoqatigiit isiginnaat akornannut pillutik siaruarput.
Tusarnerluinnartumillu nipit siammasinnerusut atorlugit tusarnaartitsineq
ingerlallugu. Erinarsoqatigiit Ingiulik erinarsornerat nuannerluinnartoq
ilaatigut “Fix You”-mik, qullilissutaasumik, erinarsorlutik atorpaat. Taava
Nuummi organisti, Chiho Audibert, kukkilattariarluni tusarnaartitsivoq.
Erinarsoqatigiit tusarnaartitsinerisa kingorna nikuillutik ersaattaattoqarpoq.
Assi: Jette Andersen
Arnaarannguugaluarluni tusarnaartitsivimmi inikitsunnguugaluarluni
kukkilattariarnerata tusarnaartitsivik ulikkaartuusivaa. Erinarsoqatigiit
nalunaaquttap akunnera ataaseq ingerlareersoq erinarsuutit marluk atorlugit
naggasiipput. Nuka Alicep erinniaa Siiva Fleischerillu taalliaa “Silarsuaq
takuiuk” naggasiutigalugu.
