Vilhelm aamma Ivaluna Willumsen, aallarnisaasut, iffiorfeerartik Iffiorferalak, Ceresvejimi inissiatoqqaniit aallarnisaasut sulliviannut nutaamut Nuummi Qeqertaniittumut Blue Waterip eqqaaniittumut qanittukkut nuussavaat.
Tamatumunnga atatillugu containerit katillugit arfinillit pisiarisimavaat, taakkunaniillu iffiorfiutertik apriilip aallaqqaataanniit ingerlateqqinniarlugu. Tassami inissiat Ceresvejimiittut isaterneqartussaagamik, nuliariillu kingusinnerpaamik marsip 31-anni anereersimasussaallutik.
Vilhelm aamma Ivaluna Willumsen, aallarnisaasut, iffiorfeerartik Iffiorferalak, Ceresvejimi inissiatoqqaniit aallarnisaasut sulliviannut nutaamut Nuummi Qeqertaniittumut Blue Waterip eqqaaniittumut qanittukkut nuussavaat.
Tamatumunnga atatillugu containerit katillugit arfinillit pisiarisimavaat, taakkunaniillu iffiorfiutertik apriilip aallaqqaataanniit ingerlateqqinniarlugu. Tassami inissiat Ceresvejimiittut isaterneqartussaagamik, nuliariillu kingusinnerpaamik marsip 31-anni anereersimasussaallutik.
- Illoqarfiup qeqqani ingerlaqqissagutta ininillu tamaaniittunik attartussagutta akisuallaassagami, Vilhelm Willumsen taama oqaluttuarpoq.
Taamaattumik nulianilu containerinik pisisinnaanertik aallarnisaasullu sullivianni piareersarsinnaalernertik nuannaarutigaat. Naak illoqarfiup qeqqaniinngikkaluartumi.
- Pisiniartartuvut amerlasuut biileqartut nalunngilavut. Soorunamili pisiniartartutsinnut pisuinnarnut pitsaavallaanngilaq, Vilhelm Willumsen oqarpoq.
Taassuma nulianilu nuunnissartik piareersaleruttorpaat, containerit inissitsitereerput iluarsaanneqaqqaartariaqarlutillu.
- Atortorissaarutivut iffiorfivullu tamarmik ullormi ataatsimi nuunneqarumaartut, naatsorsuutigaarput neriuutigalugulu, oqarpoq.
Peqatigiiffik Sakkut Nuuk, iffiorfeeqqamik suliffeqarfinnillu allanik arlalinnik ilaasortalik, Nuummi aallarnisaasut sulliviannik pilersitseqataavoq.
Assi: Iffiorferalak
Iffiorfik ilaatigut iffiukkanik seernarsaqqaakkanik, sandwichinik, kanelsneglenik kaffimillu tuniniaasarfiusoq, ukiumi ataatsimi maanna atuussimalerpoq. Nutaamut nuunnermikkut Vilhelm aamma Ivaluna Willumsenip, iffiorfeeqqap aallartinneranili kaffisorniartarfimmik ammaanissaminnik pilersaarutertik maanna inissaqartilerpaat.
- Pequtit containeriniittut atoqqitassat pisiarisarpavut, Ivaluna Willumsen oqarpoq.
Kaffisorniartarfilli iffiorfeeqqatut apriilip aallaqqaataanni ammarneqarsinnaassanersoq suli ilisimaneqanngilaq, neriuuteqarpulli.
- Tunisassiornerup apriilip aallaqqaataanniit ingerlateqqissinnaanissaa pingaarnerpaavoq, Vilhelm Willumsen erseqqissaavoq.
