Dolly Parton nersorniarlugu mittarfiup taaguutaa allanngortinneqassagunartoq

Dolly Partonip qanittumi toqusup nuannarinnittai Nashvillemi mittarfiup taaguutaa allanngortinniarlugu atsiornernik katersuiniarnermik aallartitsipput. Kissaatigisaallu maanna politikikkut taperserneqarpoq.

Atsiornernik katersuiniarneq januaarimi 2025-mi aallartippoq, Dolly Partonilu sapaatip akunnerani uani toqunerani sukkatsilluni.

Assiliisoq: Ron Elkman/SIPA/Ritzau Scanpix

Ritzau Ritzau

Saqqummersinneqarpoq 29. Aggusti 2026 - 16:16

Ussassaarut

Amerikami naalagaaffimmi Tennesseemi guvernørip, Bill Leep, Nashvillemi mittarfik Dolly Partonimik atserusuppaa.

Taanna oqaaseqaammini taama allappoq.

Lee Nashvillemilu mittarfik countrymik erinartortartuusimasoq nersorniarlugu mittarfiup taaguutaanik allannguinissaq kissaatigigaat oqaatigineqarpoq.

- Dolly Partonip immikkut ittumik inuunera naalagaaffitta sananeqaataanut naassanngitsumut akuliussimavoq, guvernøri oqaaseqaammini oqarpoq.

- Piffimmilu Tennesseep nunarsuarmik tikilluaqqusiffiani, Nashville International Airportip naalagaaffiup paninnaavata aqqanik taaguuteqalernissaa, angalasunillu Dollyp nipilersorneranik, tukkussusianik, upperneranik inussiarnerneranillu kingornussamik tikilluaqqusinissaa naleqquttuuvoq.

Ussassaarut

BBC malillugu Dollyp nuannarinnittaasa arlallit mittarfiup taaguutaa allanngortinniarlugu nittartakkatigut atsiornernik katersinerisa kingorna Lee taamatut nalunaaruteqarpoq.

Tallimanngornerup unnunnerani 160.000-ngajaat atsiorsimasut, tusagassiorfik allappoq.

Dolly Parton Tennesseemi nunaannarmi 1946-mi qatanngutigiinni aqqaneq marluusuni sisamaalluni inunngorpoq.

Kingorna naallagaaffeqataasup Tennesseep illoqarfinnut pingaarnersaanut Nashvillemut, aamma countrymik nipilersortarnerup illoqarfiisa pingaarnersaattut taaneqartartumut nuuppoq. Nashvillemilumi nipilersortartutut tusaamasanngorpoq.

Dolly Parton aggustip 25-iani 80-nik ukioqarluni toquvoq.