KL

DK

MEERARTAARNERMUT ATATILLUGU ISUMMERSUUT

Ingerlateqqittakkavut

Henriette Dohm Henriette Dohm Timersornermi tusagassiortoq
Saqqummersinneqarpoq

Meerartaaraanni kingornussat allatut eqqarsaatigineqalersarput.

Meeqqap angajoqqaaminit kingornussai kisiisa pinnagit. Isai, pissusaa immaqalu aalajangersimasumik illartarnera. Aammali ilaqutariinnut tunngassuneqanngitsut. Oqaluttuat meeqqap ilisimasassai. Sumiiffiit angallavittut ilikkagassai, ileqqullu nammineq immaqa ingerlateqqitassai.

Meerartaaraanni kingornussat allatut eqqarsaatigineqalersarput.

Meeqqap angajoqqaaminit kingornussai kisiisa pinnagit. Isai, pissusaa immaqalu aalajangersimasumik illartarnera. Aammali ilaqutariinnut tunngassuneqanngitsut. Oqaluttuat meeqqap ilisimasassai. Sumiiffiit angallavittut ilikkagassai, ileqqullu nammineq immaqa ingerlateqqitassai.

Maani Kalaallit Nunaanni aavarneq eqqarsaatigaara. Nunap qanoq inneranik ilisimasaqarneq, tumit pillugit ilisimasassat, qanorlu ilinerani ingerlanissamut utaqqinissamullu ilisimasassat. Ilisimasat atuarnikkut ilikkarneqarsinnaajuannanngitsut ingerlateqqinneqartartut. Isigisanit tusaasanit ilikkakkaniillu ingerlateqqinneqartartut.

Qanoq iliortoqartarnera ullut ilaanni meeqqamut takutinneqarumaarpoq. Meerarlu peqataanissamut periarfissinneqarluni.

Tanammalu aamma atuuppoq aalisarneq eqqarsaatigalugu. Aamma kaffillernermi, ataatsimoornermi pisoq kisimi pineqarani kisianni aamma inunnik tikilluaqqusinermi, kaffiliornermi isertunullu inissaqartitsinermiilluni.

Ileqqut kingornussarsiaannaanngillat; atornerisigut ingerlateqqittarpavut.

Piffissaqqarfigineqartariaqarput. Inuit ilinniartitserusussusillit ilinniarnissamullu periarfissallit peqataasariaqarput.

Kalaallit ileqquini immikkuullarissumik ilisimasassanik peqarpoq ataatsimoornerlu aamma immikkuullarissuulluni. Nunap pissusiinik ilisimasaqarneq, assaat atorlugit ilinniarneq, pisanik agguaassineq angerlarsimaffimmillu allanut ammaassineq.

Ileqqut ingerlateqqinneqarnermi nalerpiaani immaqa ataavartinneqartarput. Arlaata alla ilaserippagu, qanoq iliortarnermik takutippagu imaluunniit ilitsoqqussanut peqataatippagu.

Kingornussassammi tassaaginnanngillat meerartatsinnnut silarsuarmit suminngaanneernerannik oqaluttuarisakkavut.

Pingaartitsinermik aamma ilinniartitsinermiipput, ingerlatitseqqiinissamullu kajumilersitsisuullutik.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

ilisimasanik ingerlatitseqqinneq ileqqut kalaallisut kulturiat meeqqat placed kingornussat kulturi

Atorfiit tamaasa takukkit

PODCASTI

Powered by Labrador CMS