KL

DK

UNNIA

Inuit Verlag Tysklandimi atuakkiortunut nersornaaserneqartoq

Laali Lyberthip Inuit Verlag 2024-mi pilersippaa.
Mette Kierstein
Mette Kierstein Mette Kierstein Tusagassiortoq
Saqqummersinneqarpoq

Laali Lyberth, saqqummersitsisartoq, saqqummersitsisarfini Inuit Verlag pillugu Tysklandimi nersornaaserneqarpoq.

Saqqummersitsivik kalaallit atuakkiaannik tyskisut saqqummersitsisartoq nersornaammik ataqqisaasumik Deutscher Verlagspreis 2026-mik nersornaaserneqarpoq.

Laali Lyberth, saqqummersitsisartoq, saqqummersitsisarfini Inuit Verlag pillugu Tysklandimi nersornaaserneqarpoq.

Saqqummersitsivik kalaallit atuakkiaannik tyskisut saqqummersitsisartoq nersornaammik ataqqisaasumik Deutscher Verlagspreis 2026-mik nersornaaserneqarpoq.

Tysklandimi naalakkersuisut atuakkanik saqqummersitsisartut namminneq piumassutsiminnik suliaqartut tapersersorniarlugit nersornaasiisarput, ukiorlu manna nersornaat atuakkanik saqqummersitsinermut Kraterleuchtemut Inuit Verlagip ilaaffigisaanut tunniunneqarpoq.

Frankfurtimi 2026-mi atuakkanik nittarsaassinermi Ujammiugaq Engell atuakkamit ‘Bestiarium Groenlandica’-mik kalaallisut atuffassivoq.
Maria Bach Kreutzmannip, Robin Fenrir Mansa Hillestrømip, Qivioq Nivi Løvstrømip namminerlu atuakkiaat ’Bestiarium Groenlandica’ Ujammiugaq Engellip atsiorpaa.

Inuit Verlag Kraterleuchtenilu sinnera Frankfurtimi atuakkanik nittarsaassinermi, 238.000-t missaanniittunit takuniarneqarluni nunarsuarmi nittarsaassinerni annerpaami, nersorniarneqarput.

Inuit atuakkanik saqqummersitsineranni Inuit Verlag-ip nittarsaassivia soqutigineqarluartoq Atuakkiortut peqatigiiffiat Kalaallit Atuakkiortut Facebookimi quppernermini allappoq.

Atuakkanik nittarsaassinermi ilaatigut Ujammiugaq Engell atuakkiamit ’Bestiarium Groenlandica’-mit, aaqqissueqataaffigisimasaminit, kalaallisut atuffassivoq.

- Nuannerluinnarpoq takusinnaallugu atuakkiat nunatsinneersut annertunerujartuinnartumik nunarsuatsinni soqutigineqarneri, Kalaallit Atuakkiortut Facebookimi quppernerminni allapput.

Allassimavoq:

- Kalaallit atuakkiaasa nunarsuarmioqatitsinnut pimoorussilluta nittarsaattalerneri aallartikkatsigit, ineriartorneq maannatut ittoq neriuutgígilluinnarsimavarput. Atuakkiortutta, oqaluttuaatitta oqaatsittalu Nunatta killeqarfia qaangerlugu atuartussaminnik nutaanik nassaaruaamaartut.

Franziska Hütherip (tungujortumik kiuulillip) Sørine Steenholdtip oqaluttualiai katersukkat ‘Zombiet Nunaat’ tyskisut nutserpai. Saqqummersitsisartoq Laali Lyberth sanianiippoq.
Ukioq manna Frankfurtimi atuakkanik nittarsaassinermi Inuit Verlagip nittarsaassivianit assiliaq. Kajortumik qaamasumik kavaajaasalik tassaavoq Rheinland-Pfalzimi kommuninut, sanaartornermut, ineqarnermut kultooreqarnermullu ministeri Sven Teuber (SPD).

Inuit Verlag 2024-mi pilersinneqarpoq. Taamanimiilli atuakkat Lana Hansenimit ’Sila’ aamma Maria Bach Kreutzmannimit ’Bestiarium Groenlandica’, Ujammiugaq Engellimit, Robin Fenrir Mansa Hillestrømimit aamma Qivioq Nivi Løvstrømimit aaqqissugaasut tyskisut nutserlugit saqqummerseqqinneqarput. Aammattaaq Laali Lyberthimit, Sven Niederimit, Nomi Baumgartlimit aamma Yatri Niehausimit atuakkiaq assiliartalik ’Stella Polaris’ Ulloriarsuaq’ saqqummerseqqinneqarpoq.

Inuit Verlagip tyskisut saqqummersitassaasa tullii tassaapput Sørine Steenholdtip atuakkiaa „Zombiet Nunaat“ Niviaq Korneliussenillu atuakkiaa „HOMO sapienne“.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

inuit verlag deutscher verlagspreis 2026 placed kalaallit atuakkiaat laali lyberth kulturi tyskland

Atorfiit tamaasa takukkit

PODCASTI

Powered by Labrador CMS