UNNIA

Mattak, ujaminnannerit inuunermilu puigunaatsut

Alaskami naapeqqinneq. Lone Nikolajsen Hansenip siorna WEIO-mi ilisarisimalikkani "Aanaa" naapeqqippaa.

Assi: Nammineq pigisaq.

Paninnguaq Steenholdt Paninnguaq Steenholdt Tusagassiortoq

Saqqummersinneqarpoq 24. Juuli 2026 - 14:33

Lone aamma Siuana Nikolajsen Hansen, anaanaasoq panialu, Inuit Indianerillu Fairbanksimi ukioq manna OL-erneranni peqataapput.

Issittumi nunap inoqqaavisa ileqqutoqaat, piginnaasaat kulturiisalu attatiinnarnissaat ingerlateqqinneqarnissaallu siunertaralugit, Fairbanksimi Alaskamiittumi kulturikkut timersornikkullu 1961-imiilli ukiumoortumik aaqqissuussisoqarpoq.

Lone aamma Siuana Nikolajsen Hansen, anaanaasoq panialu, Inuit Indianerillu Fairbanksimi ukioq manna OL-erneranni peqataapput.

Siuana Nikolajsen Hansen, atisat inuiaassutsimut atisat nalinginnaasut assassornermilu suliat nalilersorneqartarneranni, ajugaavoq.

Nunap inoqqaavi Issittumiittut unammiuaarnissanut, kulturikkut takutitsinissanut ataatsimoornissamullu WEIO-mi ukiut tamaasa katersuutsinneqartarput.

- Nuanneq! Peqataaniarlunga angalanera nuannaarutigalugulu tulluusimaarutigaara, Lone Nikolajsen Hansen AG-mut qungujulaqaluni oqarpoq.

Ussassaarut

Lonemut angalaneq puigunaatsumik immikkut misigisaqarfiuvoq. Unammeqataanermini marlunnik ujaminnappoq aamma Issittumi nerisassanik sassaalliisarnermi kulturip ilaa pingaarutilik, tassa mattammik sukkanerpaamik nerisinnaanermik unamminermi ajugaagami.

Taamaattumik WEIO-mi peqataanerat anaanaasumut panianullu unammersuarnerinnaanngilaq, aammali kulturikkut kingornussanik ataatsimoorussanik, Issittormiunik nunanit tamalaaneersunik ataqatigiilersitsisunik, nalliuttorsiornerugami.

- Peqataaneq unamminerinnaanngilaq. Aammali kinaassutsimik ineriartortitsinermut kulturitsinnillu nalliuttorsiutiginninnermut tunngassuteqarput. Naggueqatinik naapitsinerup assigaa soorlu imminut tarrarsuutikkut takulluni. Allaannginnami ilaquttanik siornatigut naapereersimanngisanik naapitsineq, oqarpoq.

Pania dommerinut aamma tupigusutsitsivoq, tassami Inuit atisaliortarneranni assassornermilu suliat nalilersorneqartarneranni ajugaaniutivinnermi ajugaagami.

- Tulluusimaaqaanga nuannaangaarlungalu. Isiginnaartut immaqa aatsaat siullerpaamik qutsasertumik takupput — tassa qitiitigaluni qiimmattartumik, nilliasumik nuannaarnermillu assakaasumik. Tassa nuannaangaarnerma takutinnissaa tunuarsimaarfigisinnaannginnakku, qungujulalluni oqarpoq.

Lone Nikolajsen Hansenip peqataanerminik oqaluttuani allat taamaaliornissamut kajumissuseqalersissagaat neriuutigaa.

- Piumassuseqaraanni tamanna anguneqarsinnaasoq takutikkusukkakku. Uanga nammineq Kapisilinni najugaqarpunga, nunaqarfimmi 40-innarnik inulimmi, tamannali killiliisariaqanngikkaluarpoq. Nunaqarfimmi illoqarfimmiluunniit najugaqaraluaraanni peqataanissaq ajornanngilaq. Tamanna anguneqarsinnaasoq upperiinnartariaqarpoq, oqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

ATUISUNNGORIT

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.