Nipilersoqatigiit tusarnaartitsiartoqattaarnerit iluatsilluarnerannut: Ulluni aqqaneq-marlunni tusarnaartitsinerit 16-it
Nanookikkut Danmarkimi Frankrigimilu angalallutik tusarnaartitsiartornerat naammasseqqammerpoq. Taakku Kalaallit Nunaat kalaallillu kulturiat pillugit ilisimasanik siammarteriutigipput.
Nanookikkut Granvillemi tusarnaartut saanni.
Assi: Quentinprod Photographie
Nipilersoqatigiit Nanookikkut tusarnaartunit nuannarineqarluarput, taakkulu Danmarkimi Frankrigimilu sumiiffinni arlalinni tusarnaartitsineranni isissutissat nungunneqartarlutik.
Tusarnaartitsinerit nalinginnaasut pipput, aammali tusarnaartitsinerit immikkut ittumik aaqqissuussat paasissutissanik siammarteriffiullutik. Inuit 4000-ingajaat Nanook tusarnaarpaat. Nipilersoqatigiit Københavnimi Odensemilu appisimaarmata isissutissat nungunneqarput:
TUSARNAARTITSINERIT PAASITITSINIAANERILLU
Nanookimiit angalanermi suleqatigineqartut: Eqqumiitsuliornermut Aningaasaateqarfik, Inu:it, Styrelsen for International Rekruttering og Integration, DMF’s Kollektive Midler kiisalu Nordatlantisk Hus Odense.
- Tuppalleqaagut. Tusarnaariat tamani tikilluaqqungaartarpaatigut, Granvillemilu naggataarnersiorneq nuannerluinnarpoq. Tusarnaariat misigisatsinnillu avitseqatigisavut qujanaq, Nanookikkut tusagassiuutitigut nalunaarummi allapput.
Nanook qitinnermik ilinniarfinni arlalinni appisimaarput, aamma Danmarkimi kalaallit pillugit isummiuteriikkat akerlilerniarlugit Kalaallit Nunaat kalaallillu kulturiat pillugit ilisimasanik siammarteripput.
Kalattoortitsinikkut ilaatigut taamaaliortoqarpoq:
- Neriuppugut Kalaallit Nunaat kulturerpullu pillugu ilisimasaqanerulissutigigalugu, allanik paasisaqarlutillu ilisimasaqanerulersut. Nuanneqaaq – allaat atuartut ilinniartitsisullu kalattooqatigaavut, nipilersoqatigiit oqaluttuarput.
Bandip angalanerup naggataarnerani Granvillemi imerniartarfimmi pop-up-nik tusarnaartitsinermik aaqqissuisoq. Tassani inuit amerlasuut takkummata tusarnaartitsineq imerniartarfimmit silammut nuunneqartariaqarsimavoq, tamarmillu misigisaq peqataaffigalugu, bandi oqaluttuarpoq.
Foto: Nanook
