Juulleriartornera
nuannersoq sapaatip akunnerata naanerani malunnarsilluassaaq, tassami
sapaatiuppat illoqarfinni orpiit nuna tamakkerlugu ikinneqassammata, tassa
sapaassuit siullianni.
Danmarkimili
arfininngornermiit juullerpalaartitsisoqassaaq, tassami Kalaallit
peqatigiiffiisa kattuffiat Inuit ileqquusoq naapertorlugu Nunatsinnut juullimut
inuulluaqqusinissamut aggersaavoq. Tamatumanilu Kalaalerpassuit Qallunaallu
amerlasuut Nunatsinnut attuumassuteqartut naapeqatigiissapput
juulleriartorneralu nalliuttorsiutigalugu.
Juulleriartornera
nuannersoq sapaatip akunnerata naanerani malunnarsilluassaaq, tassami
sapaatiuppat illoqarfinni orpiit nuna tamakkerlugu ikinneqassammata, tassa
sapaassuit siullianni.
Danmarkimili
arfininngornermiit juullerpalaartitsisoqassaaq, tassami Kalaallit
peqatigiiffiisa kattuffiat Inuit ileqquusoq naapertorlugu Nunatsinnut juullimut
inuulluaqqusinissamut aggersaavoq. Tamatumanilu Kalaalerpassuit Qallunaallu
amerlasuut Nunatsinnut attuumassuteqartut naapeqatigiissapput
juulleriartorneralu nalliuttorsiutigalugu.
Ukioq
manna aamma Vejlemi timersortarfissuarmi kulturikkullu aaqqissuussiffiusartumi,
siorna akiliillutik peqataasunit 1500-nit peqataaffigineqartumi,
aaqqissuussineq pisussaavoq.
Juullip Inua meeqqanik ilassinnikkiartorluni aqqusaarsissaaq.
Assi: Jesper Hansen
Kalaallit
peqatigiiffiisa kattuffiata Inuit Nunatsinnut juullimut inuulluaqqusisarnerat
siullermik 1976-imi aaqqissuunneqarpoq – tamatumalu kingorna ukiut tamaasa
aaqqissuunneqartarluni - ukiut coronap atuuffii kisiisa pinnagit.
Aaqqissuussisarnerup ukiunik 50-inngortorsiornissaa aatsaat ukiualuit
qaangiuppata pisussaassaaq.
Aaqqissuussisarneq
ukiut ingerlaneranni ukiut tamaasa assigiimmik pisarpoq — orpik
ikinneqartarluni, erinarsoqatigiit erinarsoqatigiittarlutik,
aliikkusersuisoqartarluni, oqalugiartoqartarluni, Nunatsinnullu
inuulluaqqusisoqartarluni unnukkullu nereqatigiittoqarlunilu
qittattoqartarluni.
Ileqqutoqqat
naapertorlugit nalliussineqartartoq
-
Juulli tassaavoq ileqqutoqqat naapertorlugit aamma meeqqat
nalliuttorsiortarnerat – taamaattuartariaqarporlu, Camilla Siezing oqarpoq,
taassuma Kalaallit peqatigiiffiisa kattuffiat Inuit siulittaasuuffigaa.
-
Uniinnartariaqanngilagut, taamaattumik aaqqissuussisarnerput ullutsinnut
naleqqussartuartariaqarparput – aamma tv-kkut aallakaatinneqartarnera
eqqarsaatigalugu. Taamaalilluni allannguallatsinneqartarpoq, naak
aaqqissuussisarneq ileqqutoqqat naapertorlugit pisaraluartoq.
Nunatsinnut juullimut inuulluaqqusinermi kalaallit erinarsoqatigiippassui tussiarlutik tusarnaartitsissapput.
Assi: Jesper Hansen
Arfininngornermi
pisussat nalunaaqutaq 11.00 Vejlemi oqaluffissuarmi – Sct. Nicolajimi –
kalaallisut naalagiaqatigiinnermik
aallarnerneqassapput. Danmarkimi Kalaallit palasiat Marianne Lynge Krog
naalagiartitsissaaq, naggataatigullu Guuterput
tussiaqatigiissutigineqassalluni.
Tamatuma
kingorna Vejlemi pisussat nalunaaqutaq marluniit aallartissapput,
tussiaqatigiinnerit oqalugiarnerillu pissallutik – orpiliartoqarnissaalu
sioqqullugu juullip inua aqqusaarsissalluni.
Flemming
Jensenip – Nissebanden i Grønlandimit ilisimaneqartup – aliikkusersuinissaa
pilersaarutaasimagaluarpoq, tamannali pinngitsoortussanngorluni, Camilla
Siezing oqaluttuarpoq.
-
Flemming Jensenip aliikkusersuinissaa qilanaarisimagaluaqaara, ajoraluartumilli
napparsimanini pissutigalugu peqataasinnaanngilaq. Peqqissilluarnissaanik
kissaapparput.
Siulittaasoq
qilanaartoq
Tamannali
Camilla Siezingip juullimik nuannarinninneranut akornutaanngilaq, tassami
inuulluaqqusinermi pisussat taassuma qilanaareqai — soorlu meeqqap
juulliaqqamut qilanaartarneratut qilanaarigamigit.
-
Juullimut ileqqutoqqat naapertorlugit inuulluaqqusinissarput qilanaareqaara,
tassami ulloq aallarnerlugu kalaallisut
naalagiaqatigiinnissarput qujamasuutigisorujussuugatsigu.
Kalaallit Vejlemi naalagiaqatigiinnerat naggaserlugu Guuterput tussiaqatigiissutigineqassaaq.
Assi: Jesper Hansen
-
Meeqqat tamaasa nuannisaqatiginissaat orpiliaqatiginissaallu qilanaareqaara,
aamma juullip inua nulialu iserpata kiinaasa qanoq isikkoqarnissaasa
takunissaat qilanaareqaara.
- Ilaquttatta ikinngutittalu qanittumeersut
ungasissumeersullu takoqqinnissaat nuannisaqatiginissaallu qilanaaraakka. Aamma
pulaartussatta, folketingimut ilaasortap Aaja Chemnitzip illoqarfimmilu
kommunalbestyrelsimut ilaasortap Morten Skovlundip Nunatsinnut
inuulluaqqusisunut ilaanissaat nuannisaqatiginissaallu qilanaaraakka, Camilla Siezing oqaluttuarpoq.
Arfininngorpat
unnukkut nereqatigiinnissamut billetinik tuniniaaneq naammassivoq, ualikkulli
pisussanut billetinik isaarissap eqqaani
pisisoqarsinnaassalluni. Kalaallit peqatigiiffiisa kattuffiata Inuit
nittartagaani inuit-dk.-mi pisussat sukumiisumik takuneqarsinnaapput.
Kalaallit
peqatigiiffiisa kattuffiat Inuit Danmarkimi kalaallit peqatigiiffiinut
kattuffiuvoq. Siornalu ukiunik 50-inngortorsiorluni nalliuttorsiorpoq.
