Tusagassiortoq
atuakkiortorlu Martin Breum podcastinik nangeqattaartunik nutaanik
saqqummersitsivoq, tamatumani ilisimatusartut allallu paasisimasallit
Danmarkimeersut, Nunatsinneersut Issittumeersullu apersortarlugit, sammisat
soorlu Trump, spiralilersuisimaneq, sakkulersorneq, orsugiak,
pinngitsaaliissummik meeqqanik arsaarinnittarneq, aalisagartassiissutit
allarpassuillu pineqartassallutik.
–
Tusarnaartartut taamaalillutik nutaarsiassarpassuit
ataqatigiinnerulersillugillu paasissutissanik tunngaveqartumik
isummersorfigisinnaassagaat neriuppugut. Trumpip nalaani, piviusut ilumoortullu
sangutillugit salluliuutinillu unammillerneqartarneranni piviusunik
aalajangiusimanninnissarput, aatsaat taama pingaaruteqartigaaq, Martin Breum
oqarpoq.
Tusagassiortoq
atuakkiortorlu Martin Breum podcastinik nangeqattaartunik nutaanik
saqqummersitsivoq, tamatumani ilisimatusartut allallu paasisimasallit
Danmarkimeersut, Nunatsinneersut Issittumeersullu apersortarlugit, sammisat
soorlu Trump, spiralilersuisimaneq, sakkulersorneq, orsugiak,
pinngitsaaliissummik meeqqanik arsaarinnittarneq, aalisagartassiissutit
allarpassuillu pineqartassallutik.
–
Tusarnaartartut taamaalillutik nutaarsiassarpassuit
ataqatigiinnerulersillugillu paasissutissanik tunngaveqartumik
isummersorfigisinnaassagaat neriuppugut. Trumpip nalaani, piviusut ilumoortullu
sangutillugit salluliuutinillu unammillerneqartarneranni piviusunik
aalajangiusimanninnissarput, aatsaat taama pingaaruteqartigaaq, Martin Breum
oqarpoq.
Itisuumik imminut nassuerutigineq misigissutsikkullu
iliuuseqarneq
Immikkoortoq
siulleq nittartakkakkut saqqummersinneqareerpoq, tamatumanilu pineqarluni
Qallunaat nunasiaateqarnerup nalaanit ullutsinnut Nunatsinnut
iliuuserisimasaannik namminneq isiginnittaasiat pillugu oqaluttuaq.
– Qallunaat
oqaluttuariaasiat nalinginnaasoq, tassa Kalaallit Nunaannut iliuuserineqartut
tamarmik Kalaallit Nunaannut iluaqutaasumik Danmarkimullu ataqqinaataasumik
iliuuserineqarsimasut, maanna unammillerneqartorujussuuvoq.
Spiralilersuisimaneq, Kalaallit ilaqutariit Danmarkimiittut meeraannik
amerlasuunik pinngitsaaliissummik arsaarinnittarnerit,
angajoqqaarsianngortitsisarnerit, orsugiak pillugu sammisaqarneq,
saqqummiunneqartartullu assingusut kingunerinik oqaluttuariaaseq tamanna
attatiinnarneqarsinnaajunnaarpoq. Taamaattumik lektorip Kirsten Thistedip,
Ilisimatusarfimmi aamma Københavnip Universitetiani ilinniartitsisup oqaatigaa,
Qallunaarpassuit imminut nassuerutiginninnermik misigissutsikkullu
iliuuseqaleruttortut, Martin Breum oqarpoq, taanna Nunarput aamma Issittoq
pillugit ukiuni 15-it sinneqartuni peqqissaarussamik suliaqartarpoq oqarpoq.
Nunatta
pigineqarnera aqunneqarneralu
Aallakaatitassiat
tulliuttut politikimut tunngassuteqarnerussapput. Donald Trumpip Nunatsinnik
piginnittunngornissamik aqutsilernissamillu piumasaqarneranik qanoq
pinngitsoortitsisoqarsinnaaneranik siunnersuut nutaaq sammineqassaaq.
Martin
Breumip Sara Olsvig Nunatta USA-mut nammineq qanillattornera pillugu
kingusinnerusukkut apersussavaa, kiisalu aamma Nunatsinni Savalimmiunilu
sakkulersornikkut piorsaanissamik pilersaarutit itinerusumik
sammineqassallutik.
Podcasti Videnskab.dk-mit aamma Gottchau Mediamit
aallakaatitassiarineqarpoq, tamatumani suleqatigineqarlutik DIIS aamma Nasiffik
– tassaasoq Ilisimatusarfimmi nunanut allanut isumannaallisaanermullu
politikimik sammisaqarfik. Podcasti Carlsberg Fondetimit tapiiffigineqarpoq.
