Ane Qujaukitsoq qaamanerusalernissaanik
nuannaaruteqarluni, kiisalu silap kiatsikkiartornissaanik qilanaaruteqarluni
AG-mut oqaluttuaraa.
- Soorunami qaamanerusalernera
malunnarsivoq, suli seqineq nuinngitsoq silami qullit qamittalereernikuupput,
qaammartalernera nuanneqaaq, Ane Qujaukitsoq oqarpoq.
Ane Qujaukitsoq qaamanerusalernissaanik
nuannaaruteqarluni, kiisalu silap kiatsikkiartornissaanik qilanaaruteqarluni
AG-mut oqaluttuaraa.
- Soorunami qaamanerusalernera
malunnarsivoq, suli seqineq nuinngitsoq silami qullit qamittalereernikuupput,
qaammartalernera nuanneqaaq, Ane Qujaukitsoq oqarpoq.
Qaanaami ullut
116 seqineqanngereersoq, februaarip ulluisa 17-iani seqernup kingumut
nueqqinnera assigiinngitsunik malunnartinneqarpoq. Peqqinneq sunngiffillu Qaanaami, Avannaata Kommunia, innuttaasunut unnussiualaartitsisimasoq, Ane oqaluttuarpoq.
Ane Qujaukitsoq Qaanaap qaqqaani seqinniartarfimmi seqineq nuisoq tunuliaqutigalugu.
Assi: Ane Qujaukitsoq.
- Inuppassuit
ileqqortik malillugu seqinneqqaarnersiortitsinermi peqataapput, ilaatigut ”seqernup
qungujulluni” seqerniarnermi erinarsorneqartartoq erinarsorneqarpoq, seqineq
pillugu taalliullaqqinneqqusaattoqarluni, pisarnertullu assigiinngitsunik sammisaqartoqarluni,
Ane Qujaukitsoq oqaluttuarpoq.
Qaanaaq sikummat
Qimuggeq Qaanaami qimussertartut peqatigiiffiat qimussimik sukkanniutsitsivoq,
11,2 kilometerisut isorartutigisumik.
Adolf Simigaq qimussini
sisamaasuni siulliulluni apuussimavoq minutsit 30-vit sikundtillu 45-rut
atorsimallugit, Qimuggeq Facebookkimi quppernermini paasissutissiivoq.
Inuit assigiinngitsumik kaperlak atortarpaat, namminerlu iliuseqarluni kaperlak ajunngitsumik atorneqarsinnaasoq, taanna nassuiaavoq.
- Uanga nuannarisorujussuuara ullaakkut anigaangama silagilluni qaammatigissoq, akerput tamarmi ersittoq takusinnaallugu. Nammineerlungalu iliuseqartarpunga kaperlassiortutut misiginissara pinngitsoortinniarlugu, soorlu timersortorujussuusarlunga kaperlaap nalaani, Ane Qujaukitsoq naggasiivoq.
