TV 2-mi aallakaatitassiaq nuannerineqarluartoq kalaallinit peqataaffigineqartoq

Sondre Slettemark aliikkusersuinermik aallakaatitassiami Forræder-imi nangeqattaartut tullianni peqataassaaq.

Aallakaatitassiami kiinnat ilisimaneqarluartut Danmarkimiit – maannalu aamma Kalaallit Nunaannit peqataaffigineqarpoq. Matumani peqataasussat takuneqarsinnaapput.

Assi: TV2 grafik / Maiken Bang Jørgensen

Morten Okkels Morten Okkels Tusagassiortoq

Saqqummersinneqarpoq 20. Juuli 2026 - 13:42

Kalaaleq ooqattaaraluni sisorartartoq Sondre Slettemark Forræder-imi TV 2-mi aallakaatitassiami tulliuttumi peqataasussat ilagaat.

Aallakaatitassiami inuit 19-it assigiinngitsutigut tusaamasat imminnut unammissapput.

Aallakaatitassiap ingerlanerani peqataasoq ullormi isertuussaqartoq, killuussisutut toqqarneqartassaaq. Peqataasunit killuussisoq kinaassusersiniarneqartarpoq.

Ussassaarut

Peqataanissaminut arlalinnik pissutissaqarluni, Sondre Slettemark 21-nik ukiulik oqarpoq.

- Inuttut piginnaanikka sumiissuserserusuppakka, ulluinnarnimi timiga atortuarpara, aamma pinnguaat nuannersuuvoq, TV 2-mut oqarpoq.

Ilaatigut qallunaat nipilersortartut, quiasaartartut, tusagassiortut nittartakkatigullu isummanik siammarterisartut (influencer aaqq.) peqataassapput.

Nangeqattaartut tulliuttut aggustip 7-ianni aallartissapput.