Ukiup unnuariaa toqqarneqartoq

Jørgen Madsen, unnuariaq, Peqatigiiffiup Nuummi Unnuarissat ataatsimeersuarnerani Ukiup Unnuariaatut 2025-mi toqqarneqarpoq. Taanna meeqqanut inuusuttunullu weekendimi unnukkut/unnuami toqqissisimatitsiniarluni amerlanerpaamik pisuttuartarsimammat toqqarneqarpoq. Siorna katillugit 21-riarluni pisuttuarsimavoq.

Ataatsimeersuarnermi aamma siulersuisut nutaat qinerneqarput. Niels Nielsen, peqatigiiffimmik 2000-imi pilersitseqataasoq siulittaasutut qinigaaqqippoq. Siulersuisuni ilaasortaasut sinneri tassaapput Jørgen Madsen, Stella Mathiasen, Mogens Lindstrøm aamma Dorthea Johnsen. Taama Nuummi Unnuarissat Facebookimi quppernerminni allapput.