UNNIA

Uumasut tumaat ukiuni 30-ni

Kalaallit Nunaanni Uumasut Ikinngutaat illuutiminni ukiunik 30-nngortorsiormmat marlunik aamma sisamanik niullit unammiuaarnernut nuannisaqatigiinnermullu peqtaaapput. Assimi takuneqarsinnaavoq qimmit sungiusarlutik sukkaniuttarfianni ilungersuussisut ilaat.

Assi: Dyrenes Venner i Grønland

Jette Andersen Jette Andersen Aaqqissuisoq

Saqqummersinneqarpoq 25. Oktobari 2026 - 13:54

Ussassaarut

Nathan Josefsen, Annette Hjorth aamma Søren Hornbæk Uumasut Ikinngutaasa ukiunik 30-nngortorsiornerminnut atatillugu uumasut tamussiussassaata qassiuneranik eqqoriaatitsinnerani 1-miit 3-mut inissillutik ajugaasuupput. Uumasut tamussiussassaasa amerlassusaat eqqortoq tassaavoq 1.125-it, uumasunik illersuiniaqatigiiffik facebookimi quppernermini taama allappoq.

Pulaartut 100-nit amerlanerit marlunnik sisamanillu niullit Uumasut Ikinngutaasa illuutaat nalliuttorsioqatigiiffigineqarmat aqqusaarput. Nalliuttorsiornermi kiinnakkut qalipatsittoqarpoq, titartaanermik unammisoqarluni qimmillu sungiusartarfimminni sukkaniutsinneqarlutik.

Kalaallit Nunaanni Uumasut Ikinngutaasa nalliuttorsiornermut aningaasaliisutik, Brugseni, Holms Dyreartikler, Pascucci/Esmeralda, Arctic SariSari aamma AV/Arctic Print Solutions qutsavigaat.