Aningaasat nutaat Kunngi Frederimmik assitallit nutaamillu ilusillit atulertut

Ukiuni hunnorujulinni ileqquusoq malillugu kunngip assiganik aningaasat ilusilerneqartarnerattut Naalagaaffiup aningaaseriviata aningaasat nutaat marlunngorpat saqqummiuppai.

Aningaaserivik tusagassiuutitigut nalunaarummi allappoq.

20-t 10 koruunillu nutaat kunngip Frederiup assiganik ilusillit ilusilersuisartumik Eva Hjorthimit suliarineqartut, aningaaserivik allappoq.

Kunngikkormiut eqqornaveeqqutaat aningaasap tunuaniippoq.

Aningaasat 5, 2 aamma 1 koruunit saqqaani kunngip ilisarnaataanik iluseqarput, tunuanilu aningaasap nalinga "Danmarkilu" allassimapput.

Ilisarnaat nutaaq atuilertoq

Aningaasat 5, 2 aamma 1 koruunit nutaat tunuanni aamma allamik ilisarnaammik mikusumik peqarpoq. Taanna qallunaat aningaasaataannut siornatigut atorneqarsimanngilaq, Naalagaaffiup aningaaseriviani ilusilersuinermut pisortaq Jeanette Skov Jensen oqarpoq:

- Iluseq arfineq-pingasunik teqeqqoqarpoq, tassa Amalienborg Slotpladsip ilusaanut takussutissaq. Illorsuit sisamat takussuserniarlugit arfineq-pingasunik teqeqqulik sisamariarluni uteqqinneqarpoq.

Aningaasap ataatsip ilusaa taamaaginnassasoq

50 oori takussutissartaqannginnami allanngortinneqassanngilaq.

Aningaasat nutaat tallimat aningaasanit maanna atorneqartut nanginneraat, taamaattumillu angissusaat, ilusaat sananeqaataallu assigiipput:

- Aningaasat nutaat saqqummeraluartut aningaasatoqqat atorunnaassanngillat. Nutaat pisoqqallu akiliutigineqarsinnaaginnassapput, Niels Kaas oqarpoq.

Aningaasat pisoqalisut taarsersornerat ilutigalugu nutaat saqqummerseqattaarneqassasut, Naalagaaffiup aningaaserivia aamma paasissutissiivoq.

Aningaasat nutaat pillugit aningaaseriviup nittartagaani paasisaqarnerusinnaavutit.