Sullivinnik
Nakkutilliisoqarfiup Nuummi
qitiusumik kigutileriffik oktobarip naalernerani misissuiartorfigaa.
Nakkutilliisoqarfimmit
kigutileriffiup ilaanni ilungersunartunik oqummik
ajoqusiisoqarsimasoq paasineqarpoq. Sullivinnillu nakkutilliisunit
naliliisoqarluni, sulisut suliffimminni pisariaqanngitsumik oqummit
sunnerneqartartut.
Sullivinnik
Nakkutilliisoqarfiup Nuummi
qitiusumik kigutileriffik oktobarip naalernerani misissuiartorfigaa.
Nakkutilliisoqarfimmit
kigutileriffiup ilaanni ilungersunartunik oqummik
ajoqusiisoqarsimasoq paasineqarpoq. Sullivinnillu nakkutilliisunit
naliliisoqarluni, sulisut suliffimminni pisariaqanngitsumik oqummit
sunnerneqartartut.
Taamaattumik
Sullivinnik Nakkutilliisoqarfiup kigutileriffik peqqussimavaa
suliffimmi init sulliviusut isugutammit imermillu avataanneersunut
illersorneqartariaqartut, inillu naammaginartumik oqorsagaassasut.
Tamanna
Sermitsiap Kalaallit Nunaanni Sullivinnik Nakkutilliisoqarfimmit
allagaatitigut takunnissinnaaneq aqqutigalugu paasivaa.
Sullivinnik
Nakkutilliisoqarfiup nalilersuinerminut tunngavilersuutigaa
nalunaarusiaq suliffeqarfimmit R&T-mit apriilimi suliarineqartoq,
tassanilu siusinnerusukkut erngup ajoqusiinerata kinguneranik,
ilaatigut minguiaavimmi, sulisut perusuersartarfianni, toqqorsivimmi
aamma kiassaateqarfimmi oqummik ajoqusiisoqarsimanera
uppernarsarneqarmat.
Nakkutilliisoqarfik
inini iikkani qanoq oqoqartigineranik nalilersuinermini paasivaa,
inini suliffiusuni 1.135-nik, qaliani 1.438-nik perusuersartarfimmilu
2.000-nik uuttortaasoqartoq.
Nalunaarusiami
oqaatigineqartut naapertorlugit killingat 135-mit qaffasinneruppat,
oqummik akoqarpallaartutut isigineqassaaq, tassa illut
isugutanngitsut oqummillu ajornartorsiuteqanngitsut qaavi ipertuut
pujoralaallu qalipaataannik takuneqarsinnaasunit oqoqarnerussapput.
Taama
qaffasitsigisunik uuttuinerit paasinarsisissavaat iikkani oqummik
alliartortoqartoq.
Anersaartornikkut
ilungersunartorsiorneq qasoqqajuaannarnerlu
Kigutileriffimmi
sulisut Sullivinnik Nakkutilliisoqarfimmut oqaluttuarput, illup
iluani silaannaap pitsaannginnera ukiuni arlalinni
ajornartorsiutaasimasoq.
Amerlasuunut
malunniutit tassaallutik niaqorlunneq, qasoqqaneq, anersaartornikkut
ajornartorsiutit, isitigut ammikkullu ippigusunnerit,
qasoqqajuaannarneq, timip akiuussutissaata sanngiilliartornera,
uissannguneq, qinngamik milittooqqaneq aamma anersaartorniarnikkut
ajornartorsiutit.
Kigutileriffimmiikkunnaaraangata
sunniutit tamakku qaangiuttarput.
Sulisunut
sunniutit oqummit aallaaveqarnerat, nakorsaannit uppernarsarneqarpoq.
Sullivinnik
Nakkutilliisut naliliipput, isugutak oqummik alliartortitsisinnaasoq
aamma illup iluata silaannaanut ajoqutaasinnaalluni, soorlu isit
anersaartorfiillu ipiutaasaannut ippinnarsisitsisarluni kiisalu
ammikkut ippinnartoqarnerit aamma/imaluunniit sulisut
niaqorloqqajaanerulernerannik, qasoqqajaanerulernerannik imaluunniit
eqqarsarluarsinnaannginnerannik kinguneqarsinnaalluni – tassa
sulisut peqqissusaannut ajornerulersitsisinnaavoq,”
kigutileriffimmut inassuteqaammi allassimavoq.
Silaannarissarfiit
milinngasut
Sanaartukkami
isugutattuarneratigut, oquk alliartortarpoq, Sullivinnik
Nakkutilliisoqarfik allappoq.
Nalunaarusiami
apriilimi saqqummiunneqartumi oqaatigineqartut naapertorlugit
patsisaasutut taaneqarput, siusinnerusukkut imermit
ajoquserneqarsimasut aamma silaannarissaateqanngitsumik igalaanik
ammatitsinerit, isugutsertarneratigullu oquk
alliartorfissaqarlualertarmat.
Aamma
sanaartugaq ussiitsuunngilaq, siallertillugu imeq ilummut
kuussinnaasarluni. Init aamma kiassaruminaatsuupput,
qiianartarlutillu.
Aammattaaq
silaannarissarfiit annoraaminernik milinneqarsimanerat
ajornartorsiutaavoq. Tamannalu issitsillugu isugutatsillugulu
oqunnguuttussat periarfissaqarluartarput.
Sullivinnik
Nakkutilliisoqarfik allappoq nutarterneqarnissaa naammanngitsoq.
Tassami oquk ersiutaagami patsisaanngitsoq.
„Isugutammut
silaannarissarnermullu ajornartorsiutit aaqqiivigeqqaarnagit
nutarterigussi, oqummik pilersoqaqqittuaannassaaq,“ allassimavoq.
Kigutileriffiup
2026-mi februaarip aappaannut killeqartumik qulakkeerniartariaqarpaa,
kigutileriffimmi iikkat qilaallu pisariaqartumik ussittuunissaat
oqorsagaanissaallu, aamma kigutileriffiup iluata isugutammut
imermullu illersugaanissaa.
