Aningaasaqarnermut Akileraartarnermullu Ataatsimiititaliami siulittaasup
tulliata Pele Brobergip, Naleqqameersup, ataatsimiititaliami amerlanerussuteqartut aningaasat tunniunneqarnissaat
akuerimmassuk, Naalakkersuisut § 21-isumalioqatigiissitap aningaasanik 2
millionit koruuninik aningaasaliiffigineqarnissaanut novembarip 19-ianni
taaseqataanngilaq.
– Kalaallit namminneq aalajangiisinnaatitaapput, aaqqiissutissarli uagut
isumarput naapertorlugu nunap anguniagaanut qaninnerulersitsinngitsoq,
politikkikkulli innuttaaqatigiinnillu tunngavissaqanngitsumik
namminiilivinnissamut inatsisitigut misissuiffigineqaannarniartoq
peqataaffigerusunngilarput, Pele Broberg Sermitsiamut oqarpoq.
Aningaasaqarnermut Akileraartarnermullu Ataatsimiititaliami siulittaasup
tulliata Pele Brobergip, Naleqqameersup, ataatsimiititaliami amerlanerussuteqartut aningaasat tunniunneqarnissaat
akuerimmassuk, Naalakkersuisut § 21-isumalioqatigiissitap aningaasanik 2
millionit koruuninik aningaasaliiffigineqarnissaanut novembarip 19-ianni
taaseqataanngilaq.
– Kalaallit namminneq aalajangiisinnaatitaapput, aaqqiissutissarli uagut
isumarput naapertorlugu nunap anguniagaanut qaninnerulersitsinngitsoq,
politikkikkulli innuttaaqatigiinnillu tunngavissaqanngitsumik
namminiilivinnissamut inatsisitigut misissuiffigineqaannarniartoq
peqataaffigerusunngilarput, Pele Broberg Sermitsiamut oqarpoq.
Naleraq tapersersuissappat susoqartariaqarpa?
– § 21-Isumalioqatigiissitaq namminiilivinnissamut
nunasiaataajunnaarnissamullu pisinnaatitaaffitsinnik atuutilersitsisussap,
Naalakkersuisunullu Kalaallit Nunaata namminiilivinnissaa pillugu danskit
naalagaaffiannik isumaqatiginninniarnermi ilitsersuisinnaalluni
ilaasortaqarfiullunilu aaqqissuussap aningaasalersorneqarnissaa
tapersersorsinnaavarput.
Naalakkersuisut § 21-isumalioqatigiissitamut aningaasanik februaarip
arfineq-aappaanni qinnuteqaqqaarput, taamanili qinersisoqarnissaa
suaarutigineqaqqammerpoq. Pissutsini taamaattuni ataatsimiititaliaq
isumaqatigiiffiusoq nunatta karsianit aningaasaliisoqarnissaanut
pisariaqartarpoq, kisiannili Naleraq Demokraatillu taasinngillat. Qinnuteqarneq
novembarip 19-ianut kinguartinneqarpoq, ullumikkulli Demokraatit
isumalioqatigiissitap sulineranik naammassinninnissamik neriorsuuteqartunik
naalakkersuisooqatigiinni siuttunngorput. Taava aningaasat tunniunneqarput.
– Namminersorneq pillugit
inatsimmi § 21-p atuutilersinneqarnissaa Naleqqamit aallaqqaammulli
kissaatigineqarpoq, naalakkersuisooqatigiilli isumalioqatigiissitaq
inatsisilerinermik immikkut ilisimasalinnit ikittuinnarnit
ilaasortaaffigineqartoq, Naalakkersuisut Siulittaasoqarfianni
siunnersuisussatut isumalioqatigiissitanngortippaa. Isumalioqatigiissitap
Kalaallit Nunaat aaqqissuussinermit tamatumannga qanoq aniguisinnaanersoq
pinnagu, aaqqissuussineq inatsisitigut qanoq ingerlassanersoq pingaarnertut
suliarissavaa. Illuanik isumalioqatigiissitap ukiumi ataasiinnarmi sulinissaa
pitsaalluinnarpoq, tassami qallunaat/kalaallit namminersorneq pillugu
isumalioqatigiissitaasa § 21 qanoq atuutilersinneqarnersoq 2008-mi
isumaliutissiissummini sukumiisumik nassuiareernikuuaat, Pele Broberg oqarpoq.
Naleqqap pilersaarutaa
Naalakkersuisut taarsiullugu qanoq iliortariaqarpat?
– Naalakkersuisooqatigiit namminiilivinnissamik
suliniut aallartikkusukkunikku, § 21-p atuutilersinnissaanut Inatsisartuni
akuersissummik ersarissumik qinnuteqaateqassapput. Tamatuma saniatigut
inatsisitigut ikiorserneqarnissaq Naalakkersuisut qulakkeertariaqarpaat,
tassanilu qallunaat naalakkersuisuinik isumaqatiginninniarnermi kalaallit qanoq
pitsaanerpaamik isumannaarneqarsinnaanersut pingaarnertut sammineqassaaq.
Naalakkersuisut suliami tamatumani aalajangiinerit Inatsisartunit
ataatsimoorullugit suliarineqartarnissaat qulakkeertariaqarpaat.
Naalakkersuisut ataatsimiititaliarsuup inassuteqaataanik atuarnermikkut danskit
naalagaaffiata Naalakkersuisut isumaqatiginninniarnermi inissisimaffiat siumut
paasitinneqannginnissaa qulakkeertariaqarpaat.
–
Naalakkersuisut partiit ammasumik politikkikkut suleqatigiinnermut
peqataatinnissaannut ukiaq periarfissaqarluarsimagaluarput,
namminiilivinniarnermilli sulinerup inatsisitigut nassuiaammik taarsernissaa
aalajangiussimavaat, Pele Broberg oqarpoq.
