Angutit futsalimik unammersuarnissaannut anngunniunnerit aallartipput

Angutit futsalimi Nunatsinni Pissartanngorniunnissamut anngunniunnerat pissanganartuussasoq René Olsenip, nunanut allanut unammisartunut sungiusaasup, naatsorsuutigaa. Unammersuarneq avannamut kujataanullu avinneqarpoq, unamminerillu siulliit Maniitsumi 16.02.2026 aallartipput.

Kujataani anngunniunnermi Aqissiaq Maniitsumeersoq, Nagtoralik Paamiuneersoq kiisalu Nuummit holdit pingasut: Young Guns Futsal, IT-79 aamma pissartanngorniutereersut B67 peqataassapput.

Avannaani anngunniunnerit T-41 Aasianneersumit aaqqissuunneqarput. QSC Qaanaameersoq, N-48 Ilulissaneersoq, Qasigiannguit Bold Klub Qasigiannguaneersoq, G-44 Qeqertarsuarmeersoq aamma aaqqissuussisoq T-41 peqataapput.

Nunanut allanut unammisartunut sungiusaasoq René Olsen ima oqarpoq:

- Arsaattartut sukataarnissamut piareersimasut Maniitsumi unamminerni siullerni takutinneqarpoq. Inuusuttorpassuit piukkunnartut nakkutigissavagut, angutillu qanoq tatineqarneq atorsinnaaneraat takussallugu qilanaaraara. Anngunniunnerit immikkoortuata aappaa Aasianni pingasunngornermi aallartissaaq, tassanilu aamma pissanganartunik unammisoqassaaq, nunanut allanut unammisartunut sungiusaasoq René Olsen oqarpoq.

Angutit futsalimi ukiumoortumik pissartanngorniunnissaannut kikkut anngutissanersut unammiuaarnermi aalajangerneqassaaq.