Niclas V. Sørensenip Ama Dablam, Nepalip kangiani
Himalayami, Mount Everestip ungasinngisaaniittoq, qaqivaa.
- Nuannaaqaanga. Isikkivipput erseqqarissuaarpoq, nunarsuarmilu
qaqqat portunersaasa ilaat avatangiisitsinniipput. Piffissami tassani suut
tamarmik tammartutullusooq ipput. Annilaanganeq, qasuneq, anniarneq. Erseqqarinnera
kisimi, Niclas V. Sørensen Ama Dablamip qaavanut qaqinini pillugu AG-mut
taama oqaluttuarpoq.
Niclas V. Sørensenip Ama Dablam, Nepalip kangiani
Himalayami, Mount Everestip ungasinngisaaniittoq, qaqivaa.
- Nuannaaqaanga. Isikkivipput erseqqarissuaarpoq, nunarsuarmilu
qaqqat portunersaasa ilaat avatangiisitsinniipput. Piffissami tassani suut
tamarmik tammartutullusooq ipput. Annilaanganeq, qasuneq, anniarneq. Erseqqarinnera
kisimi, Niclas V. Sørensen Ama Dablamip qaavanut qaqinini pillugu AG-mut
taama oqaluttuarpoq.
Ikinngutimi
qanigisami annaareernerisa kingorna Ama Dablamimut qaqiniarnera aallartippoq.
- Uummatikkut aliasuinnarnanga timikkut aamma
aliasuppunga. Aliasungaarama uninngaannarsinnaanngilanga, kisiannili aamma
ingerlariaqqissinnaananga. Kingulleq toqqarpara. Qaqqarsuaq qimaaffiunngilaq,
nutaamilli aallarniineruvoq. Imminut nikuiseqqissinnaaffiga, sammivineqqissinnaaffiga
isumaqanngitsunullu isumanitsitseqqissinnaaffiga, taanna oqaluttuarpoq.
Niclasip ikinngutimi qanigisami annaareernerisa kingorna Ama Dablamimut qaqiniarnera aallartippoq.
Assi: Nammineq pigisaq
Ama Dablam
immamiit 6.812 meterinik portussuseqartoq sikoqarlunilu, aputeqarlunilu
qaarsoqarami Himalayami qaqqat qaqineqartartut teknikkikkut ajornarnerpaat
ilaattut ilisimaneqarpoq.
- Piffissap
ilaani tutiffissaq 1 centimeterimiit annerungaanngitsoq tutineqarsinnaasutut
tatigisariaqarpoq. Allunaasaq kisimi
isumannaallisaataavoq. Tassani tatiginninneq sunarpiaanersoq ilikkarpara – atortut
avatangiisillu kisiisa tatiginagit aammali imminut tatiginissara. Qaqqarsuarmi
qaninnersiortoqarsinnaanngilaq. Qanoq iliuutsit kinguneri taamaallaat, Niclas
V. Sørensen oqaluttuarpoq.
Angalanera tamaanga killeqanngilaq. Takorluugaqalereerpoq.
Tassa qaqqasiornermi Kalaallit Nunaata ilisimaneqalernissaa naggataagullu
kalaallini siullerpaalluni K2-p qaavani nikorfanissaq.
K2 qaqqat nunarsuarmi portunersaata tulleraa – Mount
Everest kisimi portuneruvoq, K2-li ajornarnerusutut ulorianarnerusutullu
isigineqarpoq.
- Pilersaarutit soorunami allanngorarput. Qaqqat
apeqqutaajuaannarput. Anguniagarli ersarippoq, Ama Dablamillu qaqinera
aallarniutaavoq, taanna oqarpoq.
Niclas V.
Sørensen pillugu kingusinnerusukkut atuagasseeqqissaagut.
