William Gantzhorn Hjørring Futsal Klubimilu ilini Slovakiami anngunniuteqqammerlutik angerlaqqammerput, qallunaallu unammisartui marloriarlutik ajugaallutik ataasiarlutillu ajorsarlutik Champions Leaguemi ingerlaqqipput. Qallunaanik iligiinnik aatsaat ottendedelsfinalimut annguttoqarpoq.
William Gantzhorn, Kalaallit Nunaanni futsalertalertoq, unammisartunut ilaavoq.
William Gantzhorn Hjørring Futsal Klubimilu ilini Slovakiami anngunniuteqqammerlutik angerlaqqammerput, qallunaallu unammisartui marloriarlutik ajugaallutik ataasiarlutillu ajorsarlutik Champions Leaguemi ingerlaqqipput. Qallunaanik iligiinnik aatsaat ottendedelsfinalimut annguttoqarpoq.
William Gantzhorn, Kalaallit Nunaanni futsalertalertoq, unammisartunut ilaavoq.
– Isumaqaqaaq. Skandinaviameersuni Champions Leaguemi aatsaat taama angusarissaartigisuni peqataanikkut oqaluttuarisaanermut ilanngunneq nuanneqaaq, William tulluusimaarluni AG-mut oqarpoq.
Hjørring Futsal Klub qallunaat holdiini siullersaalluni Champions Leaguemi 1/8-finalimut anngummat nuannaarneq angeqaaq.
Assi: Jacob Strandeng
William anngunniunnermi pingasunik isertitsivoq, taamaalillunilu holdip ottendedelsfinalimut anngunnissaanut pingaaruteqarluni.
– Soorunami isertitsineq nuannersuuvoq, ingammik Champions Leaguemi, tassami immikkut ittumik pingaaruteqarpoq. Naak ilimagineqanngikkaluarluta ingerlaqqippugut, tamatamalu holditut ataatsimoorutta immitsinnullu upperigutta angusaqarluarsinnaasugut klubbinullu angisuunut unammisinnaasugut takutippaa. Futsalimik misigisimasannit annerpaavoq, William Gantzhorn oqarpoq.
Inuusuttunut allanut futsalimik soqutiginnittunut oqariartuutaa paatsoorneqarsinnaanngilaq.
- Aallartigit, sakkortusinnaagaluartorlu pilliutigisinnaasatit pilliutigalugit. Piumassuseqaraanni qanorluunniit iliornissamut piareersimasariaqarpoq. Naggataani imminut akilertarpoq, William oqarpoq.
William Hjørring Futsal Klubimeersut ottendedelsfinalimut anngunniunnissamut qilanaarsinnaanngorput – qallunaat kalaallillu futsalimi angusarissaanni aatsaat taama annertutigaaq.
