Grønlandsbankenip Elite Sport Greenlandimik suleqateqarnini sivitsoraa

Grønlandsbankenip Elite Sport Greenlandimik suleqateqarnera sivitsorneqarpoq.

– Kalaallit Nunaat ataatsimoornermik, akisussaassusermik aammalu inuiaqatigiinnik siunissami angusaqarnissamik tunngaveqarpoq. Inuusuttut periarfissamik pilersitseqataaffiginissaat neriuutigaarput, angusaqarluarusuttut kiisalu piukkunnaatillit sinnattuminnik piviusunngortitserusuttut.

Taamaattumik nuannaarutigaarput Elite Sport Greenland suleqatiginera ingerlaqqissammat, Mads Reimer Andersen oqarpoq.

Elite Sport Greenlandip siulittaasuata aningaaseriviup tapiissuteqarnera ima uppernarsarpaa:

– Piukkunnaatillip piffissaq annertooq timersuutiminut atortarpaa, akunnerpassuarni sungiusarneq kiisalu pingaarnertut unammisartut avatagiiserisaani inuit peqatigiiffinni kattuffinnilu suliaqartut unammisartunik upperinnillutik suleqataasut toqqammavileeqataasarmata. GrønlandsBANKEN-ip tapiineratigut piukkunnaatilinnik ineriartortisinerup aamma sungiusaasunik piginnaasatigut ineriartortitsinerup sinaakkutatigut nukittunerunissaa qulakkeeqataaffigaa, pitsaanerpaamik Kalaallit Nunaata qaffasissumi timersornikkut siunissami inissisimanissaa pillugu, Angutinnguaq Hegelund-Tittussen oqarpoq.

Isumaqatigiissut nutaaq ukiuni marlunni tulliuttuni atuutissaaq, piginnaasalinnik ineriartortitsinissaq sungiusaasunillu pikkorissaasarnissat, tapersersuinerup siunertaigaa, Grønlandsbanken ilisimatitsivoq.