Jens-Frederik: - Nemo tulluusimaarutigaarput

FC Fredericia Aarhus Fremad-ilu Monjasa Parkimi unammimmata Naalakkersuisut siulittaasuat Jens-Frederik Nielsen isiginnaartut ilagaat.

Isiginnaariarnerminut atatillugu arsaannerup Kalaallit Nunaanni pingaaruteqassusia aamma Nemo Thomsenimik tapersersuilluarneq pillugit FC Fredericia-p nittartagaani oqaaseqarpoq.

- Aamma tamanna Kalaallit Nunaanni Nemomut tulluusimaarutiginninnitsinnut aamma kalaallip inuusuttup takutitsivimmi taamaattumi qanoq pikkoritsigisinnaaneranut tulluusimaarutiginninnitsinnut ersiutaasoq isumaqarpunga.

Nemo-p klubimi arsartalernera kalaallit meerartaannut inuusuttuaqqaannullu qanoq pingaaruteqartigisinnaasoq Jens-Frederik Nielsenip aamma erseqqissarpaa.

- Siammasissumik eqqarsaatigissagaanni inuusuttut meeqqallu takorluugaannut tunngatillugu pingaaruteqarluinnarpoq.