ARCTIC WINTER GAMES
Maannamut angusat: Team Kalaallit Nunaat 15-inik ujaminnaqqippoq
Arctic Winter Gamesimi Whitehorsemi ingerlanneqartumi kalaallit timersortartut unammiuaarnerat ingerlalluarpoq.
Arctic Sportimi timersortartut tallimat AWG-mi pingasunngornermi ujaminnapput.
Assi: Hanna Hviid
ARCTIC WINTER GAMES 2026
Arctic Winter Games Whitehorsemi Canadamiittumi ukioq manna ingerlanneqarpoq. Unammiuaarnerit ukiut allortarlugit ingerlanneqartarput.
Kalaallit Nunaat issittormiut pinnguaataanni, eqqillit pinnguaataanni, sulorarnermi, nerrivimmi arsaararnermi snowboardimilu unammeqataassaat. Taamatuttaaq kulturilerisut Kalaallit Nunaanneersut peqataapput.
Timersortartut 59-it Kalaallit Nunaannit peqataapput. Eqqillit pinnguaataannik timersortartut 16-it, Issittormiut pinnguaataannik timersortartut 18-it, sulorartartut arfineq-pingasut, nerrivimmi arsaarartartut arfineq-pingasut, snowboardertartut sisamat kulturilerisullu tallimat peqataapput.
Nunatta saniatigut timersoqatigiit Alaskameersut, Alberta Northimeersut, Yukonimeersut, Northwest Territoriesimeersut, Nunavutimeersut, Nunavik-Quebecimeersut Sapmimeersullu peqataapput. Rusland Ukrainemi sorsunneq aallartimmalli peqataaqqusaanngilaq.
Timersuutit katillugit 20-it unammissutigineqarput.
Nerrivimmi arsaararnermi ataasiakkaarluni pissartanngorniuttoqarmat Kalaallit Nunaat pingasunngornermi kuultinnappoq. Arctic Sportimi aamma Dene Gamesimi timersortartut suli angusarissaarput, snowboardernermilu siullermeerluni ujaminnattoqarpoq.
Arctic Winter Gamesimi Team Kalaallit Nunaat qanoq amerlatigisunik ukioq manna ujaminnassimanersoq takuuk.
Maannamut kuultinik 15-inik, sølvinnik qulinik bronzenillu aqqanilinnik ujaminnattoqarpoq — Team Kalaallit Nunaat katillugit 36-nik ujaminnappoq.
Ujaminnattaat 36-t ima agguataarneqarput:
Kuulti
Inuuteq Josefsen angutit ammasumik unammineranni Arctic Sportimi head pull-imi kuultinnappoq.
Paninnguaq Qvist arnani ammasunik unammineranni stick pull-imi (Dene Games) kuultinnappoq.
Minik Platou angutit ammasumik unammiuaarneranni (Dene Games) kuultinnappoq.
Danny Clasen angutit U18-it akornanni Stick Pull-imi (Dene Games) kultinnappoq.
Marlulissat Arnartaq Brønlund aamma Nunni Kleist Brønlund arnat U15-it nerrivimmi arsaararnermi iligiiaarnermi kuultinnapput.
Inuk Mozfeldt aamma Minik Poulsen angutit U15-it nerrivimmi arsaararnermi iligiiaarnermi kuultinnapput.
Arnat U18-it nerrivimmi arsaararnermi iligiiaarnermi Uiloq Dahl aamma Uiloq-Amaliannguaq Jakobsen kuultinnapput.
Randi Zeeb Sigurdsen arnani U17-ini Arctic Sportimi kneel jump-immi kuultinnappoq.
Majka Qvist arnani ammasumik unamminnerni snow snake-mi (Dene Games) kuultinnappoq.
Petra Amossen arnani ammasumik unammiuaarnermi Arctic Sportimi 2-foot high kick-imi kuultinnappoq, taamaalillunilu nunarsuarmi AWG-milu rekordiliilluni.
Nunni Kleist Brønlund arnani U15-ini nerrivimmi arsaararnermi ataasiakkaarluni kuultinnappoq.
Inuk Motzfeldt nerrivimmi arsaararnermi angutit U15-it ataasiakkaarlutik unammineranni kuultinnappoq.
Aningaaq Løvstrøm nerrivimmi arsaararnermi angutit U18-it ataasiakkaarlutik unammineranni kuultinnappoq.
Arnat U18-it nerrivimmi arsaararnermi ataasiakkaarlutik unammineranni Uiloq Dahl kuultinnappoq.
Brian Tobiassen angutit U17-it pingasunik pissaaneqarlutik unammineranni kuultinnappoq.
Kalaallit Nunaat nerrivimmi arsaararnermi katillugit arfineq-marlunnik ujaminnappoq.
Assi: Hanna Hviid
Sølvi
Inunnguaq Amossen angutit U17-it akornanni issittumi timersuutimi 2 fods high kickimi sølvinnappoq.
Aviana Kristiansen arnani U18-ini Dene Gamesimi nutsuunnermi (stick pull) sølvinnappoq.
Ulloriaq Kreutzmann aamma Aningaaq Løvstrøm angutit U18-it nerrivimmi arsaararnermi iligiiaarlutik sølvinnapput.
Edvard Kruse snow snakemi (Dene Games) angutit ammasumik unammineranni sølvinnappoq.
Lars Jeremiassen angutit ammasumik unammiuaarneranni alaskan high kick-imi (Arctic Sport) sølvinnappoq.
Danny Clasen, Otto-Nuunu Enoksen, Hans-Frederik Grim aamma Nuka Qvist angutit U18-it hand gamesimi sølvinnapput.
Minik Poulsen nerrivimmi arsaararnermi angutit U15-it ataasiakkaarlutik unammineranni sølvinnappoq.
Arnat U18-it nerrivimmi arsaararnermi ataasiakkaarlutik unammineranni Uiloq Jakobsen sølvinnappoq.
Randi Zeeb Sigurdsen arnani U17-ini one-foot high kickimi (Arctic Sport) sølvinnappoq.
Petra Amossen arnat ammasunik unammineranni Arctic Sport one-foot high kick-imi sølvinnappoq.
Randi Zeeb Sigurdsen one-foot high kick-imi pingasunngormat sølvinnappoq.
Assi: Hanna Hviid
Bronze
Petra Amossen arnani ammasumik unamminermi (Arctic Sport) triple jumpimi bronzinnappoq.
Abia Zeeb angutit ammasumik unammiuaarneranni (Arctic Sport) triple jumpimi bronzinnappoq.
Kristine Sigurdsen arnani ammasuni stick pull-imi (Dene Games) bronzennappoq.
Brian Tobiassen angutit U17-it akornanni kneel jumpimi (Arctic Sport) bronzennappoq.
Arnat U18-it unammineranni snow snake-mi (Dene Games) Aviana Kristiansen bronzennappoq.
Lars Muumu Jeremiassen angutit ammasumik unammineranni two-foot high kickimi bronzennappoq.
Minik Møller Platou angutit ammasumik unammineranni snow snake-mi (Dene Games) bronzennappoq.
Inuuteq Josefsen angutit ammasumik unammineranni (Arctic Sport) knucle hopimi bronzennappoq.
Randi Zeeb Sigurdsen arnani U17-ini triple jumpimi (Arctic Sport) bronzinnappoq.
Niviaq Kvania arnani U14-ini snowboardimi slopestylemi bronzennappoq.
Arnat U15-it nerrivimmi arsaararnermi ataasiakkaarlutik unammineranni Arnartaq Brønlund bronzennappoq.
