Qatanngutigiit Slettemarkikkut OL-imut peqataanissaminnut innersuunneqartut

Sisoraaserlutik ooqattaasartartut Sondre aamma Ukaleq Slettemark ukiuunerani OL-ertoqarnissaanut peqataasussatut innersuunneqarput, DR allappoq.

Ukaleq aamma Sondre Slettemark Ukiuunerani OL-ertoqarnissaanut anngupput.

Assi: Nunatsinni sisoraaserlutik ooqattaasartartut kattuffiat

Thomas Munk Veirum Thomas Munk Veirum Tusagassiortoq

Saqqummersinneqarpoq 19. Januaari 2026 - 13:06

Ussassaarut

Qatanngutigiit Sondre aamma Ukaleq Slettemark ukiuunerani OL-imut peqataanissamut toqqarneqareermata allaffissornikkut inissitassat kiserngorupput.

AAMMA ATUARUK

Ukaleq Slettemark-ip unammiffimmi sukkassutsini ajugaaffigaa

DR taama allappoq.

Sisoraaserlutik ooqattaasartartut pingasut Anna de Besche, Sondre Slettemark aamma Ukaleq Slettemark pisortatigoortumik toqqaasoqannginnerani Danmarks Skiforbundip siulersuisuinut tamatumalu kingorna Danmarks Idrætsforbundimut, tassa Danmarkimi sisorartartut kattuffiannut kiisalu timersortartut kattuffiannut, innersuunneqassasut Danmarks Skiforbund DR Sportenimut ilisimatitsivoq.

Sisoraaserluni ooqattaasartuni unammisussat piumasaqaatit naammassisimammatigik toqqarneqarnerat allaffissornikkut isumagisassaannanngortoq, Danmarks Skiforbundillu, tassa Danmarkimi sisorartartut kattuffiata. timersortartut pingasut peqataanissaat nuannaarutigigaa DR allappoq:

- Sisoraaserlutik ooqattaasartartut pingasut ukiuunerani OL-ertoqarnissaanut peqataanissaat nuannaarutigeqaarput, allattaaneq Kenneth Bøggild DR-imut oqarpoq.

Ussassaarut

Ukiuunerani OL 2026-mi februaarip arfernanniit 22-ata tungaanut Italiami ingerlanneqassaaq