Spaniamiu VM-imi ajugaasoq: Guutip akissarsisinneqartariaqartut akissarsisittarlugillu pilluaqqujuarpai

VM-imi pissartanngorniutivinneq suli aallartinngitsoq Spaniap Argentinamut ajugaanissaa aalajangerneqareerpoq.

Taamatut isumaqarpoq spaniamiu målmandi Ferran Torres, unamminerup sivitsorneqarnerani ajugaasut isertitsisuat.

Tuluit tusagassiorfii BBC aamma Sky Sports naapertorlugit unamminermi ajugaasup "Guutip aqqa qutsavigaa“.

- Ajugaaneq siumut aalajagerneqareerpoq, ajugaasussaavugut.

- Inuiaqativut ungasissumiikkaluartut sapinngisatsinnik qanilaarniarsimavagut, Ferran Torres oqarpoq.

Unamminerup immikkoortuata aappaata sivitsorneqarnerani sekundit 37-t qaangiuttut ajugaaniutivinnermi kisiartaalluni isertitsivoq.

- Oqiliallannaqaaq. Unammiuaarneq naallugu isornartorsiorneqarpunga, kisianni soorlu oqareernittut, siumut aalajangeriigaavoq.

- Guutip pinertusaarnissamut nakussatsittuarpaanga, naggataatigullu akissarsisinneqartariaqartut akissarsisittarlugillusooq, Ferran Torres oqarpoq.

Spania Argentinamut unamminermini siuaqqavoq, unamminerup nalinginnaasumik sivisussuseqarnerani Argentina isertitseriarsimanngilaq.

Unammineq minutsit 120-nit sivitsorneqarnerata kingorna Spaniamiut 20-2-mik ajugaapput.

- Ajugaaniutivinnerit unamminiarnartuupput. Lionel Messi unammigaanni soorunami ernumasoqarsinnaavoq, immitsinnulli upperiuarpugut, unamminerlu ingerlanniarsaralugu, tamannalu takuteqqippara, Ferran Torres oqarpoq.

Ukiut 16-it matuma siorna Spania nunarsuarmi pissartanngorniunnermi ajugaapput, taamanikkut Afrika Kujallermi ingerlanneqartumi.

Spaniamiut nunanut allanut unammisartuisa VM-imi ajugaanermikkut maanna nunarsuarmi Europamilu pissartanngorniunnermi pissartaapput.

RITZAU