Special Olympics Idrætsfestivalimi kalaallimut peqataasumut tapersersuisoq

Naalakkersuisup Nivi Olsenip (D) Special Olympics Idrætsfestivalimi, Roskildemi sapaatip akunnerata naanerani uani ingerlanneqartumi peqataasunut tapersersuinini oqaatigaa.

Naalakkersuisoq malillugu timersortartut 23-it ikorfartortillu qulit Kalaallit Nunatsinneersut idrætsfestivalimi peqataapput, taannalu Danmarkimi inunnut ineriartornikkut innarluuteqartunut timersornikkut aaqqissuussat annersaraat.

Peqataasut nunatsinnit piffinnit arlalinneersuupput, ilaatigullu isikkamik arsaannermi, bocciami, atletikimi, sulorarnermi, floorballimi bowlingimilu peqataassapput.

Kalaallit Nunaat aappassaaneerluni peqataatitaqarpoq, peqataasullu amerleriarnerisa pitsaasumik ineriartorneq, immikkoortumilu tunniusimaneq ersersippaa, Nivi Olsen tusagassiuutinut nalunaarummi allappoq:

– Kalaallit timersoriartitaat ataatsimoornermik, piumassutsimik inuunermillu nuannarinninnermik takutitsisut annertuumik tulluusimaarutigineqarput. Maligassiuisuuvusi nukittut, timersornermut tunniusimanissigut nuannaarutiginninnikkullu allanik isumassarsisitsisut.

– Peqataasut ikorfartortillu tamaasa 2026-mi Special Olympics Idrætsfestivalimi iluatsitsilluarnissaannik kissaappagut. Tamassi puigunaatsunik misigisaqarumaartusi, ataatsimuussusersi nukittorsarneqassasoq isummersuutinillu nutaanik oqqussiumaartusi qularinngilara, siger Nivi Olsen oqarpoq.

Parasport Danmark, Special Olympics Idrætsfestivalip ingerlanneqarneranik isumaginnittuuvoq.