Assit takukkit: Utoqqaat illuanni najugallit nappaanersiornermut qaaqqusaasut
Ilulissani utoqqaat illuata immikkoortortaa nutaaq ukiup ataatsip missaa qaangiuppat piareertussaavoq. Najugaqalersussallu sanaartorfimmut ornigullutik inissartik takuniarpaat.
Ilulissani utoqqaat illuannik nappaanersiorneq.
Assi: Avannaata Kommunia
Ilulissani utoqqaat, utoqqaat illuannut allilerneqartumut
iluarsaanneqartumullu nuunnissartik qilanaarisinnaavaat.
Sanaartorneq ingerlallualereerpoq, nappaanersiornerlu
nalliuttorsiutigineqarluni. Najugaqartussallu nappaanersiornermut qaaqqusaapput.
Avannaata Kommunia nittartakkamini taama allappoq.
KJ Greenland Constructionimi sanaartornermi pilersaarusiornermik aqutsisup Glenn
Jacobsenip inissanik katerisimaartarfissanillu takornariartitsivoq. Kingorna pølsenik, burgerinik, sandwichinik kaagimillu
sassaallertoqarpoq.
Sila qiianaraluartoq utoqqaat nuannisavissorput ineqarfissaminnullu nutaarsuarmut qilanaartorujussuusut oqaatigineqarpoq, kommuni
allappoq.
Ilulissani utoqqaat illuannik nappaanersiorneq
Assi: Avannaata Kommunia
81,4 millionit koruunit
Ilulissani utoqqaat illuata immikkoortortaanik nutaamik sanaartorneq
sivisuumik suliarineqarpoq, ilaannikkullu Avannaata Kommuniani
aningaasaqarnikkut ajornartorsiutit pissutigalugit
unamminartoqartarluni.
Pilersaarut tamarmi 1,3 milliardit koruuninik akeqassaaq.
Avannaata Kommuniani kommunalbestyrelsi utoqqaat illuannik nutarterinermut atatillugu utoqqaat 13-it inigisamik allamut nuukkallarnissaannik 300.000 koruuninik siorna januaarimi aningaasaliivoq.
Illoqarfimmi atuartut angerlarsimaffianni utoqqaat najugaqartinneqarallarput.
Utoqqaat illuannut nutaamut isertersinnaalernissaat 2026-p naajartulernerani naatsorsuutigineqarpoq.
Utoqqaat illuanni najugaqartut nappaanersiornermut qaaqquneqarput.
Assi: Avannaata Kommunia
