Bentiaraq Ottosen qinigassanngortittoq

Bentiaraq Ottosen Folketingimut qinigassanngortippoq. Taama Atassummi politikkeri ministeriunerup Mette Frederiksenip marsip 24-ani qinersisoqarnissaanik nalunaaruteqarnerata kinguninngua sisamanngornermi ualikkut Facebookimi nalunaarpoq.

– Kalaallit Nunaata nukittuumik inuiannut aqqutissiunissamik, oqaasiinartiguunngitsoq timitaliisinnaasumik folketingimi aallartitaqarnissani pisariaqartippaa, Kalaallit Nunaata anersaakkut nukittuumik inissisimasumik ataatsimoorfiusumillu suleqateqarsinnaasumik folketingimi siulersorneqarnissani pisariaqartippaa, Bentiaraq Ottosen ilaatigut allappoq.

Bentiaraq Ottosen 31-nik ukioqarpoq, Qaqortumeersuuvoq Atassutillu Inatsisartuni sinniisaata aapparaa.

2025-mi isumaginninnermut, suliffeqarnermut, nunap iluani pissutsinut avatangiisinullu naalakkersuisuuvoq. Nittartakkatigut sulisussarsiortarfissap suliarineqarnera pillugu politikkikkut isornartorsiorneqareerluni tunuarpoq.

– Folketingimut sassarnissara tamassinnut nalunaarutigaara - Nunanni tummisanni kalaaleq illersorumallugu ineriartortikkumallugulu nangitsisussagut meerartagut toqqissillutik qulakkeerlugu nalagaaffeqatigiinnermi naligiittut nunartik najorniassammassuk, Bentiaraq Ottosen allappoq.