Demokraatit Inatsisartut pilersaarutaasoq sioqqullugu ataatsimiissagaluarpata taperserpaat, taamaalillutik ilaasortat pissutsit maanna atuuttut oqaluuseralugillu Kalaallit Nunaata siunnerfia pillugu ammasumik ataatsimoortumillu politikkikkut oqallittoqarnissaa qulakkeerneqarsinnaassagami. Demokraatit siulersuisuunerillu sinnerlugit oqaaseqartartoq Bo Martinsen oqarpoq.
– Pissutsit maanna atuuttut eqqartorpavut, paasilluarparpullu qanoq isumaqarnitsinnik ilisimanninnissaq pisariaqartoq — ingammik avammut attaveqarnitsinni ataasiussuseqartariaqarnerput eqqarsaatigalugu, Bo Martinsen oqarpoq.
Demokraatit Inatsisartut pilersaarutaasoq sioqqullugu ataatsimiissagaluarpata taperserpaat, taamaalillutik ilaasortat pissutsit maanna atuuttut oqaluuseralugillu Kalaallit Nunaata siunnerfia pillugu ammasumik ataatsimoortumillu politikkikkut oqallittoqarnissaa qulakkeerneqarsinnaassagami. Demokraatit siulersuisuunerillu sinnerlugit oqaaseqartartoq Bo Martinsen oqarpoq.
– Pissutsit maanna atuuttut eqqartorpavut, paasilluarparpullu qanoq isumaqarnitsinnik ilisimanninnissaq pisariaqartoq — ingammik avammut attaveqarnitsinni ataasiussuseqartariaqarnerput eqqarsaatigalugu, Bo Martinsen oqarpoq.
Inatsisartuni ilaasortat pissutsit pillugit politikkikkut oqallinnissamut alloriarfissallu tulliuttut pillugit isumaqatigiinnissamut periarfissinneqarnissaat pissusissamisoortoq, taanna oqarpoq.
– Inatsisartuni ilaasortat pissutsit maanna atuuttut pillugit politikkikkut oqallinnissaat ataatsimullu politikkikkut ingerlavissaq qanorlu iliuuseqartoqarnissaa isumasioqatigiinnerat pissusissamisoorpoq, oqarpoq.
Naalakkersuisut qutsavigigai
Demokraatit Naalakkersuisut pisut politikkikkut qanoq iliuuseqarfigineqarnissaat pillugu erseqqissumik nalunaaruteqarnerat aamma eqqaavaat.
– Oqaatigereerlugu Naalakkersuisut maannamut suliaannut qujarusuppugut, Bo Martinsen oqarpoq.
Kalaallit Nunaata isumannaallisaanermut politikkiat naalagaaffeqatigiinnermit NATO-mullu attaveqarnermut tunngaveqarnera aama tikkuarpaa.
- Naalagaaffeqatigiinnikkut NATO-mut ilaavugut, taamaattumillu iligiinniit illersugaalluta. Europamilu iligisatsinnit tapersersorneqarpugut, oqarpoq.
Jens-Frederik: Kalaallit Nunaat tuniniarneqanngilaq
Naalakkersuisut siulittaasuata Jens-Frederik Nielsenip Kalaallit Nunaat tuniniarneqanngitsoq ministeriuneq Mette Frederiksen sanileralugu oqarpoq.
– Ataaserli kikkut tamarmik paasisariaqarpaat. Kalaallit Nunaat USA-mit pigineqarusunngilaq. USA-mit aqunneqarusunngilaq. USA-mut ilanngukkusunngilaq, Jens-Frederik Nielsen oqarpoq. Aamma Kalaallit Nunaat Kunngeqarfiup ilagigaa, Kalaallit Nunaatalu inissisimaffianik kalaallillu namminneq aalajangiisinnaatitaanerannik ataqqinnittumik aallaaveqarluni oqaloqateqarnissaq ujartorlugu.
Jens-Frederik Nielsen Kalaallit Nunaat maannakkut toqqaassagaluarpat Kunngeqarfik, EU NATO-lu toqqarniarlugit aamma oqarpoq.
