Ullormi diplomatii aqqutigalugu sakkortuumik sammisaqartoqarnerata kingorna kajumissaarut tamanna pivoq. Nunanut Allanut Naalakkersuisoq Vivian Motzfeldt (Siumut), Danmarkip nunanut allanut ministeria Lars Løkke Rasmussen (Moderaterne) peqatigalugit, præsidentip tullia nunanullu allanut ministeriat USA-mi Januaarip 14-iani ataatsimeeqatigaat.
Unnuk taanna kingusinnerusukkut – januaarip 14-ianni – Naalakkersuisut siulittaasuata tullia Múte Bourup Egede (Inuit Ataqatigiit) tusagassiortunik katersortitsivoq, tassani oqaloqatigiinnerit tusagassiorfiit inuillu attaveqatigiittarfii aqqutigalugit oqaaseqartarunnaarnikkut aaqqissuussaanerusumik kiisalu diplomati aqqutigalugu ingerlanneqalersut Naalakkersuisut erseqqissarpaat.
Ullormi diplomatii aqqutigalugu sakkortuumik sammisaqartoqarnerata kingorna kajumissaarut tamanna pivoq. Nunanut Allanut Naalakkersuisoq Vivian Motzfeldt (Siumut), Danmarkip nunanut allanut ministeria Lars Løkke Rasmussen (Moderaterne) peqatigalugit, præsidentip tullia nunanullu allanut ministeriat USA-mi Januaarip 14-iani ataatsimeeqatigaat.
Unnuk taanna kingusinnerusukkut – januaarip 14-ianni – Naalakkersuisut siulittaasuata tullia Múte Bourup Egede (Inuit Ataqatigiit) tusagassiortunik katersortitsivoq, tassani oqaloqatigiinnerit tusagassiorfiit inuillu attaveqatigiittarfii aqqutigalugit oqaaseqartarunnaarnikkut aaqqissuussaanerusumik kiisalu diplomati aqqutigalugu ingerlanneqalersut Naalakkersuisut erseqqissarpaat.
– Oqaloqatigiinnerup maanna torersumik diplomati aqqutigalugu ingerlanneqarnerulernera ilorraap tungaanut alloriarneruvoq – tusagassiorfiit aammalu inuit attaveqatigiittarfiit kisiisa aqqutigiunnaarlugit, Múte Bourup Egede oqarpoq.
Tunngaviusumik isumaqatigiinngissutaasoq
Kalaallit Nunaata, Danmarkip USA-llu ingerlavissaq eqqortoq suli tunngaviusumik isumaqatigiinngissutigigaat aamma erseqqissarneqarpoq.
– Naak oqaloqatigiinneq maanna aallartinneqareeraluartoq, suli tunngaviusumik isumaqatigiittoqanngimmat erseqqissartariaqarpoq. Isumaqatigiinnginneq piviusuuvoq, pissutsillu suli ilungersunarput, Múte Bourup Egede oqarpoq.
Partiit siulittaasui naapertorlugit tunngaviusumik isumaqatigiinnginneq pissutigalugu Inatsisartut ataatsimiittariaqarlutillu pissutsit politikkikkut oqallisigisariaqarpaat.
– Ataatsimoornissamik oqaraanni oqaasiinnaanngilaq. Tamatta ataatsimoorfissamik nassaartariaqarpugut, Múte Bourup Egede oqarpoq.
Siulittaasoqarfik suli aalajanginngitsoq
Inatsisartut Siulittaasoqarfiata ataatsimiinnerup siuartineqarnissaanut kaammattuut suli siliarisimanngikkaa Inatsisartut Siulittaasuata Allattoqarfia ilisimatitsivoq, taamaammallu kaammattuut pillugu oqaaseqarsinnaanngillat.
Inatsisartut ataatsimiinnissaat maannamut februaarip pingajuani aallartittussatut pilersaarutigineqarpoq. Ataatsimiinneq siuartinneqassasoq siulittaasoqarfiup suli nalunaarutiginngilaa, aamma ullormut oqaluuserisassat suut pissutsit maannakkut atuuttut oqallisiginissaannut piffissalerneqarnersut suli nalunaarutigineqanngilaq.
Inatsisartut siunnerfik oqaluuserissavaat
Naalakkersuisut ulluinnarni nunanut allanut politikkimik nunanillu allanik oqaloqateqarnermik isumaginnittarput, maannali Inatsisartut ataatsimoorlutik pingaarnersiuillutillu oqallinnissaat pisariaqarpoq. Nuna silarsuarmut ataasiussuseqarluni saqqummersinnaaniassammat Kalaallit Nunaata alloriarfissaanut tulliuttumut politikkikkut ataatsimoorussamik siunnerfeqarnissaq siunertaavoq.
– Nunarput avammut ataatsimoortumik ersarissumillu inissisimassammat nunatsinni assigiinngitsunik isumaqaraluaruttaluunniit ataatsimoorfissamik nassaartariaqarpugut, Múte Bourup Egede oqarpoq.
Kalaallit Nunaat Namminersorneq pillugu inatsit aamma nunat tamalaat inatsisaat tunngavigalugit aqunneqartuusoq, Naalakkersuisullu Inatsisartullu innuttaasut akornannit qinerneqartartut partiit siulittaasuisa ataatsimut nalunaarumminni erseqqissarpaat.
Kalaallit Nunaata siunissaa inuiannit kalaallinit aalajangerneqartussaasoq – tamannalu innuttaasunik oqaloqateqarnikkut aamma nunat tamalaat akornanni inatsisinik Namminersornermullu inatsimmit tunngaveqarluni pissasoq aammattaaq erseqqissarpaat. Nunat allat tamatumunnga akuliutissanngitsut, aamma Kalaallit Nunaat kinguarsarneqarsinnaanani akulerunneqarnanilu nammineq siunissartik pillugu tatineqanngitsumik aalajangiisinnaassasoq erseqqissarpaat.
