EU-p præsidentia: Hormuzip kangerluata maanna ammarneqarnera nunarsuup sinneranut pingaaruteqarpoq
Hormuzip kangerliumarngani umiarsuarnik angallassineq ingerlaannaq killilersugaanngitsumik ammaqqinneqartariaqarpoq, António Costa oqarpoq.
EU-p præsidentiata António Costap Cypernimi EU-mi siuttut pisortatigoortumik ataatsimeersuarneranni, tassanilu aamma nunat Kangiani Qiterlermeersut naapeqatigiinneranni, sianeq sianertikkaa.
Assi: Yves Herman/Reuters
Hormusip kangerluata killilersugaanngitsumik ammaqqinnissaa “nunarsuarmi tamarmi pingaaruteqarpoq”.
EU-p præsidentia Antonio Costa, EU-p Cypernimi ataatsimeersuarneranut atatillugu Kangiani Qiterlermi siuttut oqaloqatigereerlugit, taama oqarpoq.
- Hormusip kangerliumarngani angallanneq ingerlaannaq killilersugaanngitsumik akitsuuteqanngitsumillu ammaqqinneqassaaq, nunat tamalaat akornanni inatsisinik killeqanngitsumillu imarsiorsinnaatitaanermik maleruaalluinnarluni.
- Tamanna nunarsuarmut tamarmut pingaaruteqarpoq, Costa Cypernimi oqallinnerup kingorna tusagassiortunik katersortitsinermi oqarpoq.
Ministeriugallartoq Mette Frederiksen (S) Danmarki sinnerlugu peqataavoq.
Kangiani qiterlermi pissutsit "qajannartut" oqaatigaa.
- Tassa Hormuzip kangerliumarngani pissutsit, Libanonimi pissutsit Kangianilu Qiterlermi pissutsit.
- Aammali nukissiuutitigut ajornartorsiorneq Danmarkimut tamarmut annertuumik kinguneqarumaartoq, aamma qimaasut nutaat Europap 2015-imisut amerlatigilersinnaanngisai eqqarsaatigalugit, Mette Frederiksen oqarpoq.
Libanonimi, Syriami, Egyptenimi Jordanimilu siuttuusut aamma Gulf-imi Suleqatigiinnissamik Siunnersuisoqatigiit generalsekretæriata tallimanngornermi ataatsimeeqatiginissaat qilanaaraa.
- Nunat ullumi peqataasut Kangiani Qiterlermi eqqissinermik aaqqiissuteqarnissamut ikiuukkumasunut ilaapput.
- Eqqissineq ataavartoq anguniarlugu nunat Golfimiittut suleqatigisartakkavullu allat suleqatigiittariaqarpugut, Mette Frederiksen oqarpoq.
Sorsunneq USA-mit Israelimillu aallartinneqartoq Europamut nunanullu tamatumunnga ilaasunut unitsinniarlugu ajornakusoortoq aamma nassuerutigaa.
- Sorsunnerup unitsinnissaanut periuseq suna atorneqassanersoq ilaannut paasiuminaappoq.
- Taamaattoqarnissaanut suleqataasariaqarpugut, Mette Frederiksen oqarpoq.
/ritzau/
