Niviaq Korneliussen, atuakkiortoq,
imminut toquttarnermut aamma imminut toqunnissamut
pinaveersaartitsinermut tunngasumik podcastimik sisamanngornermi
apriilip 23-anni saqqummersitsivoq.
Podcast nutaaq
aqqaneq-marlunnik immikkoortortalik „Inuuneq Annernaraangat“,
Nunatsinni imminut toquttarnerup ajornartorsiutaaneranik
sammisaqarpoq.
Niviaq Korneliussen, atuakkiortoq,
imminut toquttarnermut aamma imminut toqunnissamut
pinaveersaartitsinermut tunngasumik podcastimik sisamanngornermi
apriilip 23-anni saqqummersitsivoq.
Podcast nutaaq
aqqaneq-marlunnik immikkoortortalik „Inuuneq Annernaraangat“,
Nunatsinni imminut toquttarnerup ajornartorsiutaaneranik
sammisaqarpoq.
- Imminut
toquttarneq pinaveersaartinniarlugu iliuuserineqartartut maannamut
takusarsimasakka amigaateqartorujussuugamik. Innuttaasunut
nalinginnaasunut tigussaasunik paasiuminartunillu
paasissutissaqannginnami, oqarpoq.
Niviaq
Korneliussenip tamanna allanngortikkusuppaa.
Naak
atuakkiamini, eqqumiitsuliamini oqalugiaatigisartakkaminilu imminut
toquttarneq sammisarsimagaluarlugu, tusagasseeriaaseq podcast
tusagassiuutit allat pisinnaanngisaannik pisinnaasaqartoq
isumaqarpoq.
-
Biilertilluta, pisuttuartilluta nerisassiornitsinniluunniit podcastit
tusarnaarsinnaavavut. Sapinngisannillu imaaliallaannarlugit
tusarnaarneqarsinnaalersinniarpakka — soorunami aamma
tusarnaaruminartunngortinniarlugit, oqarpoq.
Imminut toquttarneq pillugu podcast
Ilisarnaat: Inuuneq Annernaraangat Podcast
Niviaq
Korneliussenip ilisimatusartut tarnillu pissusiinik ilisimasallit
imminut toqunnissamik pinaveersaartitsinermut tunngasunik
ilisimasaminnik avitseqateqarusuttut oqaloqatigisarpai - taakkualu
tamanna pillugu ilisimatusarnerup qanoq amigaateqartiginera aamma
erseqqissarpaat.
Aammattaaq
inuit asasaminnik toqukkut annaasaqarsimasut
tusarnaarneqarsinnaallutik. Inuit taakku Niviaq Korneliussenip
killinneqaatigisorujussuusarpai.
TUSAANNGA
Imminut
toqunnissamik eqqarsaateqaruit, eqqarsaatinnik annissiumallutit
Tusaannga-mut attaveqartuaannarsinnaavutit.
Kinaanerit
isertuullugu ulloq unnuarlu akeqanngitsumik sianersinnaavutit
allassinnaallutilluunniit.
Oqarasuaammut 80 11 80-imut. SMS 1899.
- Taakku
sapiitsorujussuupput. Oqaluttuassaminnik mikrofonimut
oqaluttuarsinnaanerat sapiitsuliornerujussuuvoq, oqarpoq.
Niviaq
Korneliussenip aamma qimagaasimasut oqaloqatigineri
isumassarsiffigilluarsimavai.
- Naak suli
ukioqqortusinatik inuunerminni atugarliorsimagaluarlutik -
siunissamut isumalluarput, tamannalu siunissamut
isumalluarnerulissutigaara, oqarpoq.
Iliuuseqarnissamut
kajumissuseqalersinneqartoq
‘Inuuneq
Annernaraangat Podcast’ Lions Club Nuuk suleqatigalugu
piviusunngortinneqarpoq, taakkualu suliniut tapersersorpaat. Podcasti
Spotify-ikkut aamma KNR-ikkut akeqanngitsumik
tusarnaarneqarsinnaavoq.
Tusarnaartut
podcastimik
tusarnaareernermik kingorna suna paasiumaaraat neriuutigaajuk?
-
Tamakkerlugit tusarnaarumaaraat neriuutigilluinnarpara, Niviaq
Korneliussen akivoq.
Inuit
akiuunnissaminnut peqataarusussasut imminullu toquttartut
ikilisinnissaannut ikiuunnissaminnut sapiissuseqalerumaartut aamma
neriuutigaa — naak inuiaqatigiit aaqqissuussaanerat sivisuumik
sumiginnaasimagaluartoq.
-
Ikiorneqartariaqartut ikiorneqarumallutik utaqqisut
allattorsimaffianni sivisuumik utaqqisariaqartartussaanngikkaluarput,
oqarpoq nangillunilu:
-
Immaqa misigisarpugut iliuuseqarsinnaanata, tamattali
iliuuseqarsinnaavugut.
