Kalaallit Nunaanni spiralilersuisimanermut tunngatillugu sapaatip-akunneri marluk ingerlaneranni, 100-t missaat taarsiivigineqarnissamik qinnuteqarsimapput

Kalaallit arnat akuersitinneqaratik spiralilersorneqarsimasut taarsiiffigineqarnissaminnik juulip aallaqqaataaniit qinnuteqarsinnaalerput, arlalillu taamaaliorsimapput.

Arnat 93-it 300.000 koruuninik taarsiiffigineqarnissaminnik sapaatit-akunneri marluk ingerlaneranni qinnuteqarput.

Tamanna patienternes erstatningsordningip naatsorsuisimaneranit ersertoq, Berlingske allappoq.

Qinnuteqaatit amerlanersaat "suut tamaasa ilanngullugit peqqissaarullugit" immersorneqarsimasut, Karen-Inger Bast, Patienterstatningenimi aaqqissuussinermi pisortaq, aviisimut oqarpoq.

Oqartussaasut taarsiissutissanik nalilersuinerminni tamanna iluaqutigissagaat, nalunaarummi allassimavoq.

Taarsiivigitinnissamut qinnuteqaatit Juulip aallaqqaataaniit septembarillu aallaqqaataata 2028-p tungaanut periarfissaatinneqarput.

Taarsiivigineqarnissamut qinnuteqarfissaq arnanut kalaallinut 1991-ip tungaanut akuersitinnagit spiralilertinneqarsimasunut attuumassuteqarpoq — spiralilerinermut tunngasumik taaneqartartumut.

Arnat eqqugaasut Patienterstatningenimut taarsiissutissanik qinnuteqarsinnaapput.

Arnat tamarmik immikkut 300.000 koruuninik taarsiivigineqarsinnaasunngorlugit aaqqissuussaavoq.

Inatsisip atuutilersinneqarnerani patienterstatningen aatsaat suliassat ingerlassinnaalissavai.

Peqqissutsimut ilageeqarnermullu ministeri Ida Auken (S) arnat kalaallit taarsiiffigineqartarnissaannik juunip 25-ani inatsisissatut siunnersuuteqarpoq.

Inatsit ukioq manna siusinnerusukkut saqqummiunneqartussaagaluarpoq, qinersisoqarnissaali naalakkersuisunillu isumaqatigiinniarnerit pissutigalugit tamanna kinguaattoorfiuvoq.

- Inatsisit septembarip aallaqqaataani 2026-mi atuutilernissaa, naatsorsuutigineqarpoq, Patienterstatningen juulip aallaqqaataani allappoq.

Kalaallit arnat niviarsiaqqallu inuusuttut 1960-ikkunni spiralimik naartunaveersaatissillugit atornerlunneqarnerat, spiralilersuinermi suliami pineqarpoq.

Arnat arlallit akuersitinneqarsimannginnertik tusagassiuutinut nalunaarutigaat.

Ministeriuneq Mette Frederiksen (S) aamma naalakkersuisut siulittaasuat Jens-Frederik Nielsen pisimasoq pillugu siorna utoqqatserput.

Danmarkimit Kalaallit Nunaanni peqqinnissaqarfik akisussaaffigineqarnerata nalaani aamma Kalaallit Nunaata oqartussaaffimmik tigusinerata kingorna sulianik amerlasuunik suliarinnittoqartarsimanera aallaavigalugu utoqqatsertoqarpoq.

RITZAU