Kangaamiuni pinngitsuutinneqartut, unnerluussisussaatitaasut suliareqqitassanngortippaat

Eqqartuussiveqarfik Qeqqa Maniitsumi angutit marluk toqutsisimasutut oktobarip 14-ianni pinngitsuutinneqarput. Angutilli aappaa toqumik kinguneqartumik nakuusertut pineqaatissinneqarpoq, aappaalu pinngitsuutinneqarluni.

Unnerluussisiisussaatitaasut angut 43-nik ukiulik nakuuserfigineqartoq pillugu eqqartuussut ingerlaannaq suliareqqitassanngortippaat.

Eqqarsarnissamik periarfissiinerup kingorna unnerluussisussaatitaasup nalunaarutigaa angut alla, 60-it sinnerlugit ukiulik, aamma eqqartuunneqarnera suliareqqitassanngortinneqassasoq.

AAMMA ATUARUK

Kangaamiuni suliamut tunngatillugu eqqartuussineq: Unnerluutigineqartut marluk toqutsisimasutut pinngitsuutinneqarput

Angut 49-nik ukiulik Kangaamiuni oktobarip 21-ani 22-anilu 2025-mi ikiligaanermini toqusoq pillugu suliaq pineqarpoq.

43-nik ukiulik unnerluutigineqartoq, toqumik kinguneqartumik nakuusersimanerminik nassuerpoq, toqumillu kinguneqartumik nakuusersimasutut ukiuni pingasuni qaammatinilu arfinilinni pineqaatissinneqarsimasunut inissiisarfimmiittussanngorlugu eqqartuunneqarpoq.

Eqqartuussiviup unnerluutigineqartoq utoqqaq unioqqutitsilluni iliuuseqarsimanngitsoq aalajangerpaa, taamaattumillu pineqaatissinneqarani.

Unnerluussummi allassimavoq toqutsisimasutut eqqartuunneqarunik minnerpaamik ukiuni qulingiluani parnaarussaasussaasut.

Nunatta Eqqartuussisuuneqarfiani suliassanngortitsinissaq suli aalajangerneqarsimanngitsoq, Unnerluussisussaatitaasoq oqarpoq.