Kommuneqarfik Sermersuumi qarasaasiat suli ajoquteqartut
Kommuneqarfik Sermersuumi qarasaasiatigut atortut suli ajutooqqapput, taakkulu iluarsinissaat ulapputigineqarlutik.
Kommuneqarfik Sermersuumi atortorissaarutit suliarineqarnerata nalaani, kommunip sullissinerani, sulianillu ingerlatsinerani atortorissaarutit ajutooqqaneri pissutigalugit innuttaasut naammagittarnissaannik aamma paasinninnissaannik kaammattuuteqarpoq.
Assi: Leiff Josefsen
Kommuneqarfik
Sermersuumi sapaatip-akunnerata siuliani qarasaasiatigut atortut ajortipput,
tamatumalu kingorna kommunip nittartakkatigut imminut kiffartuussivia atorneqarsinnaajunnaarpoq.
Kommunimi
sulisut, qarasaasialerisut avataaniillu suleqatigisat atortorissaarutit pingaarnerit erngertumik atorsinnaalerneqaqqinnissaat sulissutigaat, suliallu isumannaatsumik illersorneqarsinnaasumillu ingerlanissaa qulakkeerniarlugu.
Kommuneqarfik
Sermersooq tusagassiutitigut nalunaarummi taama allappoq.
-
Ajutooqqaneq kommunip digitalikkut suleriuseqarneranut arlalinnut
sunniuteqaraluartoq innuttaasunik, suliffeqarfinnik
suleqatigisartakkanillu kiffartuussinerup pisariaqartup
ingerlanneqaannarnissaa sapinngisamik sulissutigaarput.
Suliassaqarfiit innuttaasut ulluinnaannut isumaqarnerpaat
pingaartumik ukkatarineqarput, kommunimiit allapput.
Suliarineqarnerani kommunip sullissisinnaanera killeqarmat kinguaattoortoqarsinnaammallu naammagittarnissaq
paasinninnissaalu kissaatigineqarpoq.
Kommunip
pisoq pillugu pingaarutilinnik nutaanik paasissutissaateqaleruni nalunaaruteqarnissani neriorsuutigaa, paasinnittut
tapersersuisullu qutsavigai.
Qarasaasiatigut
atortorissaarutitigut attaveerunneq sumik pissuteqarnersoq
Kommuneqarfik Sermersuumit oqaatigineqanngilaq.
